శంషాబాద్ ఎయిర్పోర్ట్లో బంగారం స్మగ్లింగ్ చేస్తున్న ముఠాను అధికారులు పట్టుకున్నారు. వారు తెలిపిన వివరాల ప్రకారం.. దుబాయి, జెడ్డా నుంచి వస్తున్న ముగ్గురు ప్రయాణికులు బంగారంతో ఎయిర్పోర్ట్ లో దిగారు. అనుమానం వచ్చిన అధికారులు వారిని క్షుణ్నంగా తనిఖీ చేశారు.
ఈ క్రమంలో రూ.కోటి 17 లక్షల విలువైన 1.93 కిలోల బంగారం పట్టుబడింది. అనంతరం కస్టమ్స్ అధికారులు వారిని అదుపులోకి తీసుకుని పోలీసులకు అప్పగించారు. ఎయిర్పోర్ట్ లోనే మరో కేసులో బ్యాంకాక్ నుంచి సిగరెట్లు స్మగ్లింగ్ చేస్తున్న ఇద్దరు వ్యక్తుల్ని పోలీసులు అదుపులోకి తీసుకున్నారు. వారి నుంచి రూ.62వేల విలువైన సిగరేట్లను స్వాధీనం చేసుకున్నారు.
