‘మీ కూతురి వీడియోలు, ఫోటోలు నా దగ్గరున్నాయి’ అని యువతి తల్లిదండ్రులను బ్లాక్ మెయిల్ చేస్తున్న యువకుడిని పోలీసులు అరెస్టు చేశారు. జూబ్లీహిల్స్‌కి చెందిన అట్లూరి సురేష్ ఈ బెదిరింపులకు పాల్పడుతూ పోలీసులకు అడ్డంగా దొరికిపోయాడు. డబ్బున్న వారిని టార్గెట్ చేసి.. సురేష్ బ్లాక్ మెయిల్ చేస్తుంటాడు. పైగా దమ్ముంటే కేసు పెట్టుకోండి అని హెచ్చరిస్తుంటాడు. ఇప్పటివరకు సురేష్‌పై ఐదు పోలీస్ స్టేషన్లలో కేసులు నమోదై ఉన్నాయి. గతంలో సురేష్ ఓ కేసులో అరెస్ట్ అయినప్పుడు బంజారాహిల్స్ పోలీసులపైనే ఆరోపణలు చేసి సోషల్ మీడియాలో వీడియోలు కూడా పెట్టాడు. ఇప్పుడు అడ్డంగా దొరకడంతో సరేష్ బాగోతం బయటపడింది.
