గండిపేట, వెలుగు: అత్తాపూర్ పోలీస్ స్టేషన్లో మంగళవారం ఇద్దరు న్యాయవాదులతో పోలీసులు దురుసుగా ప్రవర్తిస్తున్న వీడియో ఒకటి సోషల్మీడియాలో వైరలయ్యింది. స్టేషన్బెయిల్విషయంలో పోలీస్స్టేషన్కు వచ్చిన రంగారెడ్డి జిల్లా కోర్టుకు చెందిన ఓ అడ్వొకేట్ను చుట్టుముట్టిన పోలీసులు అతడి నుంచి ఫోన్లాక్కోవడం ఆ వీడియోలో కనిపించింది. దీన్ని వీడియో తీస్తున్న ఓ మహిళ అడ్వకేట్తోనూ పోలీసులు దురుసుగా ప్రవర్తించారు. ‘ఇదేం మర్యాద..ఇదేం మర్యాద..బయటకు వెళ్లిపోండి. గెట్అవుట్’ అంటూ ఆమెపై ఆగ్రహం వ్యక్తం చేస్తూ ఫోన్లాక్కునే ప్రయత్నం చేశారు. ‘నేను మిమ్మల్ని ఏమైనా అన్నానా..నా మీదకు ఎందుకు వస్తున్నారు? నేనేం తప్పు చేశాను ..దూరంగా ఉండండి’అని ఆమె మాట్లాడం కనిపించింది. అయితే, ఈ వీడియోలు న్యాయవాదుల వాట్సాప్గ్రూపులతో పాటు ఇతర గ్రూపుల్లో విపరీతంగా చక్కర్లు కొట్టాయి. దీంతో ఉన్నతాధికారులు దిద్దుబాటు చర్యలు ప్రారంభించారు. బార్అసోసియేషన్పెద్దలను పిలిపించి మాట్లాడారు. న్యాయవాదులతో అభ్యంతరకరంగా ప్రవర్తించిన ఏఎస్ఐతో పాటు కానిస్టేబుల్తో క్షమాపణలు చెప్పించి కథను సుఖాంతం చేశారు. కాగా, స్టేషన్బెయిల్కోసం వచ్చిన న్యాయవాదులు కస్టడీలో ఉన్న నిందితుడికి కొన్ని ప్యాకెట్లు ఇచ్చారని, ఆ విషయంలో తాము అభ్యంతరం వ్యక్తం చేయడంతో గొడవ జరిగిందని పోలీసులు చెప్తున్నారు.
