ఇంగ్లాండ్లోని ప్రతిష్టాత్మక లార్డ్స్ మైదానం వేదికగా జూన్ 11 నుంచి వరల్డ్ టెస్ట్ ఛాంపియన్‌షిప్ (WTC) ఫైనల్ మ్యాచ్ ప్రారంభం కానుంది. టైటిల్ గెలవడమే లక్ష్యంగా ఆస్ట్రేలియా, సౌతాఫ్రికా బరిలోకి దిగుతున్నాయి. ఈ క్రమంలో డబ్ల్యూటీసీ ఫైనల్ మ్యాచ్ ప్రారంభానికి గంటల ముందు ఆస్ట్రేలియా తమ ప్లేయింగ్ లెవన్ను ప్రకటించింది. స్టార్ బౌలర్ పాట్ కమిన్స్ నేతృత్వంలో ఆసీస్ బరిలోకి దిగనుంది. ఈ హై-వోల్టేజ్ మ్యాచ్లో ఆస్ట్రేలియా కీలక మార్పు చేసింది.
మిడిలార్డర్ బ్యాటర్ మార్నస్ లబుషేన్ను ఓపెనర్గా ప్రమోట్ చేసింది. లబుషేన్ గతకొంత కాలంగా పేలవ ఫామ్తో ఇబ్బంది పడుతున్నాడు. ఈ డబ్ల్యూటీసీ వరల్డ్ కప్లోనూ ఏమంతగా రాణించలేదు. దీంతో అతడికి ఫైనల్ మ్యాచులో చోటు కూడా కష్టమేనని అభిప్రాయాలు వ్యక్తం అయ్యాయి. మనం అనుకున్నది చేస్తే అది ఆస్ట్రేలియా ఎందుకు అవుతది..? ఎవరి అంచనాలకు అందని విధంగా ఫామ్లోని లబుషేన్ను ఏకంగా ఓపెనర్గా బరిలోకి దింపాలని నిర్ణయించింది.
డబ్ల్యూటీసీ ఫైనల్లో ఉస్మాన్ ఖవాజాతో కలిసి లబుషేన్ ఓపెనర్గా బరిలోకి దిగనున్నాడు. గాయం కారణంగా ఆటకు దూరమైన కామెరూన్ గ్రీన్ కూడా ఫైనల్లో బరిలోకి దిగే జట్టులో చోటు దక్కించుకున్నాడు. స్టార్ పేసర్స్ మిచెల్ స్టార్క్, జోష్ హాజిల్ వుడ్ జట్టులో తమ స్థానాన్ని నిలబెట్టుకున్నారు. స్పెషలిస్ట్ స్పిన్నర్గా నాథన్ లియాన్ ఎంపికయ్యాడు. మిచెల్ మార్ష్‌కు బదులుగా బ్యూ వెబ్‌స్టర్ జట్టులోకి వచ్చాడు.
ఆస్ట్రేలియా జట్టు ప్లేయింగ్ లెవన్:
ఉస్మాన్ ఖవాజా , మార్నస్ లాబుస్చాగ్నే, కామెరాన్ గ్రీన్, స్టీవ్ స్మిత్, ట్రావిస్ హెడ్, బ్యూ వెబ్‌స్టర్, అలెక్స్ కారీ (వికెట్ కీపర్), పాట్ కమ్మిన్స్ (కెప్టెన్), మిచెల్ స్టార్క్, నాథన్ లియాన్, జోష్ హాజిల్‌వుడ్
