లండన్: ఆస్ట్రేలియా, సౌతాఫ్రికా జట్ల మధ్య వరల్డ్ టెస్ట్ ఛాంపియన్ షిప్ (డబ్ల్యూటీసీ) ఫైనల్ సమరం మొదలైంది. ఇంగ్లాండ్లోని ప్రతిష్టాత్మక లార్డ్స్ మైదానం వేదికగా జరుగుతోన్న ఈ మ్యాచులో సౌతాఫ్రికా టాస్ గెలిచింది. దీంతో సఫారీ కెప్టెన్ టెంబా బవుమా మొదట బౌలింగ్ ఎంచుకున్నాడు. టాస్ ఓడి తొలుత బ్యాటింగ్కు దిగిన ఆస్ట్రేలియాకు ఆదిలోనే బిగ్ షాక్ తగిలింది.
సౌతాఫ్రికా స్టార్ పేసర్ రబాడ నిప్పులు చెరగడంతో ఇన్సింగ్స్ స్టార్టింగ్లోనే ఆసీస్ రెండు కీలక వికెట్లు కోల్పోయింది. సూపర్ ఫామ్లో ఉన్న ఓపెనర్ ఉస్మాన్ ఖవాజా 20 బంతులు ఎదుర్కొని ఖాతా తెరవకుండానే రబాడ బౌలింగ్లో కీపర్కు క్యాచ్ ఇచ్చి ఔట్ అయ్యాడు. గాయం కారణంగా చాలా కాలం తర్వాత జట్టులోకి కామెరూన్ గ్రీన్ కూడా నిరాశ పర్చాడు.
ALSO READ | ఇంగ్లండ్‌‌తో ఐదు మ్యాచ్‌‌ల టెస్ట్ సిరీస్‌.. రెడ్‌ బాల్‌ లయపై ఫోకస్‌: అర్ష్‌‌దీప్‌
ఫస్ట్ డౌన్లో బ్యాటింగ్కు వచ్చిన గ్రీన్ వచ్చి రాగానే ఫోర్ కొట్టాడు ఊపు మీద కనిపించాడు. కానీ ఆ తర్వాత వెంటనే రబాడ బౌలింగ్లో క్యాచ్ ఔట్ అయ్యాడు. కేవలం 4 పరుగులు మాత్రమే చేసి గ్రీన్ పెవిలియన్ చేరాడు. ప్రస్తుతం 16 ఓవర్లలో రెండు వికెట్ల నష్టానికి 41 పరుగులు చేసింది ఆస్ట్రేలియా. క్రీజులో లబుషేన్ (17), స్టీవ్ స్మిత్ (17) ఉన్నారు.
జట్లు:
దక్షిణాఫ్రికా (ప్లేయింగ్ XI): ఐడెన్ మార్క్రామ్, ర్యాన్ రికెల్టన్, ట్రిస్టన్ స్టబ్స్, టెంబా బావుమా(కెప్టెన్), డేవిడ్ బెడింగ్‌హామ్, కైల్ వెర్రెయిన్, వియాన్ ముల్డర్, మార్కో జాన్సెన్, కేశవ్ మహారాజ్, కగిసో రబాడ, లుంగి ఎన్గిడి
ఆస్ట్రేలియా (ప్లేయింగ్ XI): ఉస్మాన్ ఖవాజా, మార్నస్ లాబుస్చాగ్నే, కామెరాన్ గ్రీన్, స్టీవెన్ స్మిత్, ట్రావిస్ హెడ్, బ్యూ వెబ్‌స్టర్, అలెక్స్ క్యారీ(కెప్టెన్), పాట్ కమ్మిన్స్(కెప్టెన్), మిచెల్ స్టార్క్, నాథన్ లియాన్, జోష్ హాజిల్‌వుడ్
