నారాయణపేట, వెలుగు: జిల్లాలో రవాణా శాఖ ఆధ్వర్యంలో నిర్వహించే రోడ్డు భద్రతా వారోత్సవాల్లో ప్రజలకు అవేర్నెస్ కల్పించేందుకు చర్యలు తీసుకోవాలని కలెక్టర్ కోయ శ్రీహర్ష సూచించారు. జిల్లా రవాణా శాఖ ఆధ్వర్యంలో రూపొందించిన రోడ్డు భద్రతా వారోత్సవాల వాల్ పోస్టర్ ను, కరపత్రాలను సోమవారం కలెక్టరేట్ ప్రజావాణి హాల్ లో రిలీజ్ చేశారు.
ఈ సందర్భంగా కలెక్టర్ మాట్లాడుతూ రోడ్డు భద్రత వారోత్సవాలపై జిల్లాలోని అన్నిప్రాంతాల్లో కార్యక్రమాలు నిర్వహించాలని సూచించారు. ప్రజలకు రోడ్డు ప్రమాదాలు జరగకుండా తీసుకోవాల్సిన జాగ్రత్తలను వివరించాలన్నారు. అనంతరం రిపబ్లిక్ డే సన్నాహక సమావేశం నిర్వహించారు. అడిషనల్ కలెక్టర్ అశోక్ కుమార్, ఎంవీఐలు మెగా గాంధీ, వీరస్వామి పాల్గొన్నారు.
