ప్రముఖ ప్రభుత్వరంగ బ్యాంక్ అయిన బ్యాంక్ ఆఫ్ ఇండియా (బీఓఐ) వివిధ స్పెషలిస్ట్ స్ట్రీమ్స్ లో ఆఫీసర్ పోస్టుల భర్తీకి నోటిఫికేషన్ విడుదల చేసింది. ఆఫీసర్ (స్కేల్ -I) నుంచి చీఫ్ మేనేజర్ (స్కేల్-IV) వరకు ఉన్న వివిధ విభాగాల్లో మొత్తం 205 ఖాళీలను భర్తీ చేయనున్నారు. అర్హత ఉన్న అభ్యర్థులు ఆన్ లైన్లో దరఖాస్తు చేసుకోవచ్చు. ఆన్ లైన్లో దరఖాస్తు ప్రక్రియ సెప్టెంబర్ 10 నుంచి సెప్టెంబర్ 25 వరకు కొనసాగనుంది.
పోస్టు పేరు: మేనేజర్, ఆఫీసర్.
మొత్తం ఖాళీలు: 205.
విభాగాల వారీగా ఖాళీలు: స్కేల్-IV చీఫ్ మేనేజర్ 10, స్కేల్-III సీనియర్ మేనేజర్ 49, స్కేల్-II మేనేజర్ 118, స్కేల్-I ఆఫీసర్ 28.
విద్యార్హత
గుర్తింపు పొందిన యూనివర్సిటీ నుంచి సంబంధిత విభాగంలో బీఈ/బి.టెక్ లేదా మూడేళ్ల ఫుల్టైమ్ ఎంసీఏ లేదా ఎంఎస్సీ పూర్తిచేసి ఉండాలి. కంప్యూ టర్ అప్లికేషన్స్ సర్టిఫికెషన్ కలిగి ఉండాలి. కనీసం 60 శాతం మార్కులతో సివిల్ ఇంజినీరిం గ్లో బ్యాచిలర్స్ డిగ్రీ పూర్తిచేసి ఉండాలి.
వయసు (2026, ఆగస్టు 1 నాటికి)
స్కేల్-1 ఆఫీసర్ పోస్టులకు: 21 నుంచి 30 ఏళ్లు.
స్కేల్-IV చీఫ్ మేనేజర్ పోస్టులకు: 28 నుంచి 42 ఏళ్లు. ఎస్సీ/ఎస్టీలకు ఐదేళ్లు, ఓబీసీలకు మూడేళ్లు. దివ్యాంగులకు పదేళ్లు, మాజీ సైనికోద్యోగులకు ఐదేళ్లు వయోపరిమితిలో సడలింపు వర్తిస్తుంది.
ఆన్ లైన్ ప్రారంభం: సెప్టెంబర్ 10.
లాస్ట్ డేట్: సెప్టెంబర్ 25.
మరిన్ని వివరాలకు వెబ్ సైట్ www.bankofindia.bank.in సందర్శించండి
సెలెక్షన్ ప్రాసెస్
ఆన్ లైన్ పరీక్ష: ప్రశ్నలు మల్టిపుల్ చాయిస్ రూపంలో ఉంటాయి. 25 మార్కులకు ఇంగ్లిష్ లాంగ్వేజ్ ఎగ్జామ్ ఉంటుంది. ఇది కేవలం అర్హత పరీక్ష మాత్రమే. సంబంధిత వృత్తిగత పరిజ్ఞానంపై 100 మార్కులకు ఎగ్జామ్ ఉంటుంది. 100 నిమిషాల్లో పూర్తిచేయాల్సి ఉంటుంది.
కనీస అర్హత మార్కులు: జనరల్/ ఈడబ్ల్యూఎస్ అభ్యర్థులకు 35 శాతం, ఎస్సీ/ ఎస్టీ/ ఓబీసీ /దివ్యాంగులు 30 శాతం మార్కులు సాధించాల్సి ఉంటుంది.
పర్సనల్ ఇంటర్వ్యూ: ఇంటర్వ్యూ 100 మార్కులకు ఉంటుంది. ఇందులో అర్హత సాధించడానికి జనరల్/ ఈడబ్ల్యూఎస్ అభ్యర్థులకు 50 శాతం, ఎస్సీ/ ఎస్టీ/ ఓబీసీ/ దివ్యాంగులకు 45 శాతం మార్కులు రావాలి. ఖాళీల సంఖ్యకు దాదాపు 1:3 నిష్పత్తిలో అభ్యర్థులను ఇంటర్వ్యూకు పిలుస్తారు.
తుది మెరిట్ జాబితా: ఆన్ లైన్ పరీక్ష, ఇంటర్వ్యూల్లో సాధించిన మార్కులను 60:40 నిష్పత్తిలో పరిగణలోకి తీసుకుని తుది ఎంపిక లిస్ట్ ఖరారు చేస్తారు.
