బషీర్బాగ్, వెలుగు: సుమన్ ఆర్ట్ థియేటర్స్ ఆధ్వర్యంలో శుక్రవారం రవీంద్రభారతిలో ప్రముఖ రివర్స్ రైటింగ్ (మిర్రర్ ఇమేజ్) నిపుణులు డా.పోడూరి శ్రీనివాసరావు రచించిన భగవద్గీత రివర్స్ రైటింగ్ సంచికను శుక్రవారం ఆవిష్కరించారు.
డా.పోడూరి 62 గంటల 19 నిమిషాల్లో భగవద్గీతకు సంబంధించిన 18 అధ్యాయాలు, 700 శ్లోకాలను పూర్తిగా తెలుగు రివర్స్ రైటింగ్ పద్ధతిలో రచించారు. దీనికి హైరేంజ్ వరల్డ్ రికార్డ్స్ గుర్తింపు లభించిందని చెప్పారు. ఈ సందర్భంగా వేదికపై పది ప్రపంచ రికార్డులను ప్రదానం చేశారు.
