హైదరాబాద్ జీడిమెట్లలో ప్రైవేట్ బస్సు బీభత్సం సృష్టించింది. రోడ్డుపై వెళ్తున్న బైక్ పైకి బస్సు దూసుకెళ్లడంతో బైకిస్ట్ కి తీవ్ర గాయాలయ్యాయి. సోమవారం ( ఆగస్టు 25 ) జరిగిన ఈ ఘటనకు సంబంధించి వివరాలిలా ఉన్నాయి..
జీడిమెట్ల పీఎస్ పరిధిలోని RDPL కంపెనీకి కాజిపల్లికి చెందిన ఓ ప్రైవేట్ బస్సు బీభత్సం సృష్టించింది. రోడ్డుపై వెళ్తున్న బైక్ ను ఢీకొట్టి పక్కనే ఉన్న కల్వర్టులోకి దూసుకెళ్లింది బస్సు.
డ్రైవర్ నిద్ర మత్తులో ఉండటమే ప్రమాదానికి కారణమని తెలుస్తోంది. ఈ ఘటనలో బైకిస్టు తలకు తీవ్ర గాయమయ్యింది.క్షతగాత్రుడిని ఆసుపత్రికి తరలించి చికిత్స అందిస్తుండగా ప్రస్తుతం అతని పరిస్థితి విషమంగా ఉన్నట్లు తెలుస్తోంది. ఈ ఘటనపై సమాచారం అందుకున్న పోలీసులు కేసు నమోదు చేసి దర్యాప్తు చేస్తున్నారు.
