బారాబంకీ(యూపీ): ఉత్తరప్రదేశ్‌‌లోని బారాబంకీ లోక్సభ స్థానం బీజేపీ అభ్యర్థిగా ప్రకటించిన ఆ పార్టీ సిట్టింగ్‌ ఎంపీ ఉపేంద్ర సింగ్‌ రావత్ పోటీ నుంచి తప్పుకొంటున్నట్టు ప్రకటించారు. ఒక మహిళతో ఆయన కలిసి ఉన్న వీడియో సోషల్ మీడియాలో వైరల్అవుతున్నది. అయితే, అది ‘డీప్ ఫేక్’ టెక్నాలజీతో సృష్టించిన వీడియో అని ఎంపీ ట్వీట్ చేశారు. దీనిపై పోలీసులకు కంప్లైంట్ చేసినట్లు తెలిపారు.
ఈ వ్యవహారంపై ఎంక్వైరీ చేయించాలని తమ పార్టీ జాతీయ అధ్యక్షుడిని కూడా కోరినట్లు చెప్పారు. అలాగే, నిర్దోషిగా తేలే వరకూ ఏ ఎన్నికల్లో పోటీ చేయబోనని రావత్ స్పష్టం చేశారు. బీజేపీ ప్రకటించిన 195 మంది అభ్యర్థుల లిస్ట్లో రావత్ పేరు కూడా ఉన్నది. అయితే తాజా వీడియో నేపథ్యంలో పోటీ నుంచి తప్పుకుంటున్నట్లు రావత్ ప్రకటించారు.
