రెండో విడత ప్రజాసంగ్రామ యాత్ర సక్సెస్ ఫుల్ కావడంతో మూడో విడతపై కమలంశ్రేణులు ఫోకస్ పెట్టాయి. తాజాగా బీజేపీ ముఖ్య నేతలు హైదరాబాద్ లోని పార్టీ రాష్ట్ర కార్యాలయంలో సమావేశమై పాదయాత్ర ఏర్పాట్లు, రూట్ మ్యాప్ పై చర్చించారు. ఈ సమావేశంలో బీజేపీ రాష్ట్ర వ్యవహారాల ఇన్ చార్జ్ తరుణ్ చుగ్, తెలంగాణ బీజేపీ అధ్యక్షుడు బండి సంజయ్ వర్చువల్ గా పాల్గొన్నారు. అగస్ట్ 2 నుంచి బండి సంజయ్ మూడో విడత పాదయాత్ర చేపట్టనున్నారు. యాదగిరి గుట్ట నుంచి వరంగల్ భద్రకాళి దేవస్థానం వరకు పాదయాత్ర ఉంటుందని బీజేపీ నేతలు తెలిపారు. పాదయాత్ర మొదటి రోజైన ఆగస్ట్ 2 న యాదగిరి గుట్ట లో బహిరంగ సభ నిర్వహించేందుకు బీజేపీ ప్లాన్ చేస్తోంది. ఈ బహిరంగ సభకు జాతీయ స్థాయిలోని ముఖ్య నేతలను పిలవాలని నిర్ణయించినట్లు తెలుస్తోంది.
