హైదరాబాద్, వెలుగు: తెలంగాణలో బహుజన రాజ్యస్థాపనే లక్ష్యంగా పనిచేస్తామని బహుజన లెఫ్ట్ ఫ్రంట్ (బీఎల్ఎఫ్) ప్రకటించింది. ఆదివారం హైదరాబాద్లోని ఓంకార్ భవన్లో నిర్వహించిన సమావేశంలో బీఎల్ఎఫ్ చైర్మన్ నల్లా సూర్యప్రకాశ్, ఎంసీపీఐ(యూ) జాతీయ ప్రధాన కార్యదర్శి మద్దికాయల అశోక్, బీఎల్ఎఫ్ రాష్ట్ర కన్వీనర్ దండి వెంకట్ తదితరులు పాల్గొన్నారు. ఈ సందర్భంగా సూర్యప్రకాశ్ మాట్లాడుతూ రాష్ట్రంలోని 119 స్థానాల్లో బీఎల్ఎఫ్ పోటీ చేస్తుందని వెల్లడించారు. అసెంబ్లీ ఎన్నికల్లో పోటీచేసే 18 మంది అభ్యర్థుల తొలి జాబితాను రిలీజ్ చేశారు.
కామారెడ్డి నుంచి -ఎస్. సిద్ధిరాములు, నాగార్జునసాగర్ నుంచి పోతుగంటి కాశీ, మిర్యాలగూడ నుంచి వస్కుల గోపి, హుజూర్ నగర్ నుంచి వస్కుల సైదమ్మ, పరకాల నుంచి గోనె కుమారస్వామి, నర్సంపేట నుంచి పెద్దారపు రమేశ్, ఖమ్మం -నుంచి లిక్కి కృష్ణారావు యాదవ్, నకిరేకల్ నుంచి నూనె వెంకటస్వామి, నిజామాబాద్ అర్బన్ నుంచి సబ్బని లత, వర్ధన్నపేట నుంచి మాస్ సావిత్రి, వరంగల్ పశ్చిమ నుంచి -గడ్డం నాగార్జున, వరంగల్ తూర్పు- నుంచి సుంచు జగదీశ్వర్ పటాన్ చెరు-నుంచి కర్ర దానయ్య, తుంగతుర్తి నుంచి వీర పాపయ్య, అచ్చంపేట- నుంచి ఎలిమినేటి శ్రీశైలం, తాండూర్ నుంచి మారోజు సునీల్, జుక్కల్ నుంచి కర్రెవార్ నాగేశ్, ఎల్బీనగర్ నుంచి రాయబండి పాండురంగచారిని అభ్యర్థులగా ప్రకటించారు.
