సినిమా అవకాశం కోసం వెళ్లిన తనను ఓ దర్శకుడు బలవంతం చేశాడని బాలీవుడ్ హీరోయిన్ పాయల్ ఘోష్ సంచలన వ్యాఖ్యలు చేశారు. బాలీవుడ్ హీరో సుశాంత్ సింగ్ మ‌ర‌ణం త‌ర్వాత బాలీవుడ్ సినీ ప‌రిశ్ర‌మ‌లో రోజుకో ట్విస్ట్ వెలుగులోకి వస్తోంది. ఇప్పటికే రెండు వ‌ర్గాలుగా విడిపోయిన ప‌రిశ్ర‌మ ఒక‌రిపై ఒక‌రు సంచలన ఆరోపణలు చేసుకుంటున్నారు. కంగనా వర్గానికి చెందిన నటి పాయల్ ఘోష్ తాజాగా ఓ ఇంట‌ర్వ్యూలో పాల్గొంది. సినిమా అవకాశాల కోసం కలిసిన మరుసటి రోజే బాలీవుడ్ దర్శకుడు అనురాగ్ కశ్యప్ తనను బలవంతం చేయబోయాడని బాంబ్ పేల్చింది. ఇప్పటికే సుశాంత్ కేసు విషయంలో కంగనాకు, అనురాగ్ కశ్యప్‌కు మధ్య వివాదం నడుస్తోంది. తాజాగా పాయల్ చేసిన కామెంట్స్ ఆ వివాదాన్ని మరింత హీటెక్కించాయి.
‘అనురాగ్ కశ్యప్ నన్ను చాలా ఘోరంగా బలవంతం చేశాడు. నరేంద్ర మోదీజీ.. ఈ విషయంలో దయచేసి చర్య తీసుకోండి. ప్రతిభ ఉన్న దర్శకుడైన కశ్యప్‌లో దాగిన రాక్షసున్ని ప్రజలకు చూపెట్టండి. ఇలా వెల్లడించడం వల్ల నాకు ప్రాణహాని ఉందని తెలుసు. నా భద్రతకు ముప్పు ఉంటుందని కూడా తెలుసు. దయచేసి సాయం చేయండి’ అని నటి పాయల్ ట్విట్ట‌ర్ ద్వారా ప్రధాని మోడీని కోరింది.
#WATCH: He made me feel uncomfortable. I felt bad about it, whatever happened shouldn't have happened. If someone approaches you for work,it doesn't mean the person is prepared for anything: Actor Payal Ghosh on her allegation of sexual harassment against Filmmaker Anurag Kashyap pic.twitter.com/rL0C1AHZNe
— ANI (@ANI) September 20, 2020
కాగా.. పాయల్ వ్యాఖ్యాలపై దర్శకుడు అనురాగ్ కశ్యప్ స్పందించారు. పాయల్ తనపై నిరాధార ఆరోపణలు చేస్తోందని ఆయన అన్నారు. ‘వావ్.. నా నోరు మూయించడానికి మీకు చాలా సమయం పట్టింది. ఫర్వాలేదు.. నా నోరు నొక్కే ప్రయత్నంలో మీరు మరో స్త్రీని ఈ వివాదంలోకి లాగారు. మీరు కూడా ఒక మహిళే. దయచేసి పరిమితులకు కట్టుబడి ఉండండి మేడమ్. మీరు చేసే ఆరోపణలన్నీ నిరాధారమైనవి’అని ఆయన ట్వీట్ చేశారు.
क्या बात है , इतना समय ले लिया मुझे चुप करवाने की कोशिश में । चलो कोई नहीं ।मुझे चुप कराते कराते इतना झूठ बोल गए की औरत होते हुए दूसरी औरतों को भी संग घसीट लिया। थोड़ी तो मर्यादा रखिए मैडम। बस यही कहूँगा की जो भी आरोप हैं आपके सब बेबुनियाद हैं ।१/४
— Anurag Kashyap (@anuragkashyap72) September 19, 2020
అయితే పాయల్ చేసిన వ్యాఖ్యలపై జాతీయ మహిళ కమిషన్ చైర్ పర్సన్ రేఖాశర్మ స్పందించారు. లైంగిక ఆరోపణలకు సంబంధించి పూర్తి వివరాలతో తమకు ఫిర్యాదు చేయాలని పాయల్‌కు సూచించారు. ఈ కేసును పోలీసులతో కలిసి విచారిస్తామని ఆమె హామీ ఇచ్చారు.
Our Chairperson @sharmarekha's statement on the shocking allegations of sexual harassment made by @iampayalghosh against @anuragkashyap72. @NCWIndia will take up the matter with police. The survivor has also been asked to send a detailed complaint to the Commission. pic.twitter.com/NpKJSXqqGR
— NCW (@NCWIndia) September 20, 2020
