కామారెడ్డి , వెలుగు: బీఆర్ఎస్ ప్రభుత్వం కమీషన్ల కోసమే పనిచేస్తోందని మాజీ మంత్రి, కాంగ్రెస్నేత షబ్బీర్అలీ విమర్శించారు. 1200 మంది రైతులు ఆత్మహత్య చేసుకుంటే, దశాబ్ది ఉత్సవాల పేరిట సంబురాలు జరపడం ఏమిటని ప్రశించారు. కాళేశ్వరం ప్రాజెక్టు 22వ ప్యాకేజీలోని సదాశివనగర్మండలం భూంపల్లి రిజర్వాయర్వద్ద కాంగ్రెస్ఆధ్వర్యంలో గురువారం ధర్నా చేశారు. షబ్బీర్అలీ మాట్లాడుతూ.. కాంగ్రెస్ ప్రభుత్వ హయాంలో రూ.1,446 కోట్లతో 22వ ప్యాకేజీ పనులు చేపట్టినట్లు గుర్తు చేశారు.
సిరిసిల్ల, సిద్దిపేట, గజ్వేల్నియోజక వర్గాలకే సాగునీరు అందిస్తూ, మిగతా నియోజకవర్గాలను నిర్లక్ష్యం చేస్తున్నారని ఆరోపించారు. రాష్ట్రంలో రైతులు ఇబ్బందులు పడుతుంటే, పరపతి కోసం పక్క రాష్ట్రాలకు వెళ్లి డబ్బులు పంచుతున్నారని వాపోయారు. టీపీసీసీ జనరల్ సెక్రెటరీ వడ్డేపల్లి సుభాష్రెడ్డి, డీసీసీ ప్రెసిడెంట్కైలాస్శ్రీనివాస్రావు, లీడర్లు జనార్ధన్రెడ్డి, చంద్రకాంత్రెడ్డి, ఇంద్రాకరణ్రెడ్డి, గూడెం శ్రీనివాస్రెడ్డి, పండ్ల రాజు పాల్గొన్నారు.
