వర్ని, వెలుగు: నిజామాబాద్ జిల్లా వర్ని మండలం శ్రీనగర్లో శనివారం రాత్రి దొంగలు బీభత్సం సృష్టించారు. ఒకే రాత్రి తొమ్మిది ఇళ్లల్లో చోరీలకు పాల్పడ్డారు. తొమ్మిది ఇళ్లల్లో చొరబడి బీరువాలు, లాకర్లు పగులగొట్టి నగదు, ఆభరణాలు, విలువైన వస్తువులు ఎత్తుకెళ్లారు. సమాచారం అందుకున్న సీసీఎస్ ఏసీపీ మస్తాన్ అలీ, ఎస్సై వంశీకృష్ణ ఘటనా స్థలానికి చేరుకొని వివరాలు సేకరించారు.
కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు. రెండిళ్లల్లో నాలుగు తులాల ఆభరణాలు, రూ.20 వేలు నగదు ఎత్తుకెళ్లినట్లు చెప్పారు. మిగిలిన ఏడు ఇళ్లల్లో చోరీకి విఫలయత్నం చేశారని పేర్కొన్నారు.
