న్యూఢిల్లీ: హెల్త్ ఇన్సూరెన్స్ పాలసీ హోల్డర్లు రీయింబర్స్మెంట్ కంటే క్యాష్లెస్ క్లెయిమ్ విధానాన్ని ఇష్టపడుతున్నారని పాలసీ బజార్ నిర్వహించిన హెల్త్ క్లెయిమ్స్ ఎక్స్పీరియన్స్ (హెచ్సీఎక్స్) ఇండెక్స్ స్టడీ తెలిపింది. ఈ సర్వేలో దేశవ్యాప్తంగా 2,300 మంది పాల్గొన్నారు.
క్యాష్లెస్ విధానంలో తక్కువ పత్రాలు అవసరం అవుతాయి. వేగంగా అప్రూవల్స్వస్తాయి. రీయింబర్స్మెంట్ విధానంలో రోగులపై ఆర్థిక భారం పెరుగుతోంది. రీయింబర్స్మెంట్ క్లెయిమ్ చేసిన వారిలో 76 శాతం మంది చికిత్స కోసం అప్పులు తీసుకున్నామని తెలిపారు.
క్యాష్లెస్ క్లెయిమ్స్ 86.7 స్కోరు నమోదు చేయగా, రీయింబర్స్మెంట్ క్లెయిమ్స్ 73.7 స్కోరు సాధించాయి. దేశం మొత్తం హెచ్సీఎక్స్ స్కోరు వందకు 82.8 గా ఉంది. ఇది మధ్యస్థ వర్గంలో నిలిచింది. క్లెయిమ్ నిర్ణయాల్లో మరింత పారదర్శకత ఉండాలని పాలసీ హోల్డర్లు కోరారు.
అన్ని రకాల క్లెయిమ్స్కు ఒకేరకమైన క్లెయిమ్ ఫారమ్ను ప్రవేశపెట్టాలని ఇన్సూరెన్స్ సంస్థలకు పాలసీ బజార్ సిఫార్సు చేసింది. క్లెయిమ్ విధానాలను కస్టమర్లు స్పష్టంగా అర్థం చేసుకోవడం ముఖ్యమని పేర్కొంది.
