హైదరాబాద్, వెలుగు: మల్టీ బ్రాండ్ మొబైల్ రిటైల్ చైన్ సెల్బే తన పదో వార్షికోత్సవం సందర్భంగా పలు ఆఫర్లు ప్రకటించింది. ఈ సందర్భంగా నిర్వహించిన వేడుకల్లో సినీ నటి సుభశ్రీ రాయగురు, ఎండీ సోమ నాగరాజు పాల్గొని ప్రత్యేక ఆఫర్ల పోస్టర్ను విడుదల చేశారు. గత పదేళ్ల ప్రయాణంలో కస్టమర్ల విశ్వాసమే తమ విజయానికి కారణమని నాగరాజు సోమ తెలిపారు.
ఈ వార్షికోత్సవాన్ని పురస్కరించుకుని మొబైల్స్ కొనుగోలు చేసే వినియోగదారులకు బ్రాండెడ్ బ్లూటూత్ స్పీకర్లు, ట్రాలీ సూట్కేసులు, కరావోకే సౌండ్ స్పీకర్లు ప్రత్యేక ధరలకు అందిస్తున్నారు. అర్హత కలిగిన కొనుగోలుదారులకు ఏడాది ఉచిత మొబైల్ బీమాతో పాటు ప్రత్యేక హ్యాండ్బ్యాగ్ దక్కించుకోవచ్చు. ఐఫోన్లపై స్పెషల్ఆఫర్లు ఇస్తామని నాగరాజు తెలిపారు.
