ఎల్ బీనగర్, వెలుగు : చంద్రబాబు అరెస్ట్ను నిరసిస్తూ ఐటీ ఎంప్లాయీస్, చంద్రబాబు మద్దతుదారులు శనివారం ‘లెట్స్ మెట్రో ఫర్ సీబీఎన్’ పేరుతో నిరసన కార్యక్రమం చేపట్టారు. మియాపూర్ నుంచి ఎల్బీనగర్ దాకా నల్ల దుస్తులు ధరించి మెట్రోలో ప్రయాణించారు. ఎల్బీనగర్ మెట్రో స్టేషన్లో దిగిన నిరసనకారులు.. బయటికొచ్చి రోడ్డుపై ఆందోళన చేపట్టారు.
ఎల్బీనగర్ వైపు ర్యాలీగా వెళ్తున్న వీరిని ఇండోర్ స్టేడియం వద్ద పోలీసులు అడ్డుకున్నారు. దీంతో నిరసనకారులు, పోలీసుల మధ్య వాగ్వాదం జరిగింది. కొందరిని పోలీసులు అదుపులోకి తీసుకున్నారు. దిల్సుఖ్నగ ర్ వైపు వెళ్తున్న మరికొంత మంది నిరసనకారులను పోలీసులు అడ్డుకుని అరెస్ట్ చేశారు.
ఈ సందర్భంగా వారు మాట్లాడు తూ.. బాబు అరెస్ట్ బాధాకరమన్నారు. శాంతియుతంగా నిరసన తెలుపుతుంటే.. పోలీసులు అత్యుత్సాహం ప్రదర్శించారని విమర్శించారు. ఇలా చేస్తే తెలంగాణలో కేసీఆర్కు ఓటమి తప్పదని హెచ్చరించారు. నిరసన కార్యక్రమంలో తాటికొండ ఎమ్మెల్యే ఉండవల్లి శ్రీదేవి పాల్గొన్నారు. ఆమెను పోలీసులు అరెస్ట్ చేసి ఎల్బీనగర్ పోలీస్ స్టేషన్కు తరలించారు. కొద్దిసేపు మియాపూర్, ఎల్బీనగర్ మధ్య మెట్రో సేవలు నిలిచిపోయాయి.
