తిరుమల మెట్ల మార్గంలో వన్యమృగాలు విచ్చలవిడిగా తిరుగుతున్నాయి. ఇటీవల శ్రీవారి దర్శనానికి వెళ్తున్న ఓ చిన్నారిపై చిరుత దాడి చేసి హతమార్చిన విషయం తెలిసిందే. అప్పటి నుంచి నిఘా పెంచిన పోలీసులు భక్తులు గుంపులుగా వెళ్లాలని సూచించింది.
అధికారులు 400 ట్రాప్ కెమెరాలు అమర్చగా.. చాలా చోట్ల బోన్లను ఏర్పాటు చేశారు. ఈ బోనుల్లో ఇప్పటికే 2 చిరుతలు చిక్కుకున్నాయి. అయితే ఆగస్టు 22 అర్ధరాత్రి 7వ మైలు దగ్గర మరో చిరుత కదలికను అధికారులు గుర్తించారు.
చిరుతకు సంబంధించిన దృశ్యాలు కెమెరాలో రికార్డ్అయ్యాయి. కెమెరాకు సమీపంలోనే బోను ఏర్పాటు చేసినా చిరుత చిక్కలేదు. దీంతో అధికారులు తలలు పట్టుకుంటున్నారు. ఇంకా ఎన్ని చిరుతలు ఉన్నాయో తెలియక ఎప్పుడు దాడి చేస్తాయో అంతుపట్టక భక్తులు ఆందోళన వ్యక్తం చేస్తున్నారు.
