జడ్చర్ల టౌన్,వెలుగు : మహబూబ్నగర్ జిల్లా జడ్చర్ల పట్టణంలో బుధవారం మూడేండ్ల చిన్నారిని ఆమె సొంత మేనత్త తన ప్రియుడితో కలిసి కిడ్నాప్ చేసిన ఘటన కలకలం రేపింది. పట్టణంలోని ఇందిరా నగర్ అంగన్వాడీ సెంటర్ నుంచి అంజలి అనే మహిళ తన సోదరుడు ఉత్తరయ్య కూతురు శైలజను కిడ్నాప్ చేసింది. ఈ విషయాన్ని గుర్తించిన అంగన్వాడీ నిర్వాహకులు వెంటనే తల్లిదండ్రులు భాగ్యమ్మ, ఉత్తరయ్యకు తెలపడంతో పోలీస్ స్టేషన్ కు వెళ్లి తమ కూతురు కిడ్నాప్ అయ్యిందని ఫిర్యాదు చేశారు.
విషయం పసిగట్టిన కిడ్నాపర్లు అంజలి, ఆమె ప్రియుడు సైదులు ఎవ్వరి కంటపడకుండా చిన్నారిని కిడ్నాప్ చేసిన పరిసరాల్లోనే విడిచి పెట్టి జారుకున్నారు. కథ సుఖాంతమైనా ఎందుకు కిడ్నాప్ చేసిందనే కోణంలో పోలీసులు విచారిస్తున్నారు.
