యాదాద్రి, వెలుగు : యాదాద్రి జిల్లాలో వివిధప్రాజెక్టుల కోసం భూములు, ఇండ్లు, ఇండ్ల స్థలాలు కోల్పోయిన నిర్వాసితులకు రూ.300 కోట్లు రిలీజ్ చేయడానికి సీఎం రేవంత్రెడ్డి హామీ ఇచ్చినట్లు ప్రభుత్వ విప్, ఆలేరు ఎమ్మెల్యే బీర్ల అయిలయ్య, భువనగిరి ఎమ్మెల్యే కుంభం అనిల్కుమార్ రెడ్డి, ఎంపీ చామల కిరణ్కుమార్ రెడ్డి తెలిపారు.
మంగళవారం సీఎం రేవంత్ రెడ్డిని వారు కలిసి జిల్లాలోని గంధమల్ల, బస్వాపురం, వైటీడీఏ ప్రాజెక్టుల కోసం సేకరించిన భూములు, ఇండ్లు, ఇండ్ల స్థలాలు, ఆర్అండ్ఆర్ ప్యాకేజీకి సంబంధించి పెండింగ్లో ఉన్న పరిహారం రిలీజ్ చేయాలని కోరారు. తక్షణం ఒక్కో ప్రాజెక్టుకు రూ. 100 కోట్ల చొప్పున మొత్తం రూ. 300 కోట్లు చెల్లిస్తే నిర్వాసితులకు ఊరటగా ఉంటుందన్నారు. దీనికి సీఎం సానుకూలంగా స్పందిస్తూ త్వరలోనే రిలీజ్ చేస్తామని హామీ ఇచ్చినట్లు తెలిపారు.
