రైతు రుణమాఫీతో నా జన్మ ధన్యమైంది: సీఎం రేవంత్ రెడ్డి

రైతు రుణమాఫీతో జన్మ ధన్యమైందన్నారు సీఎం రేవంత్ రెడ్డి. ఇవాళ రెండోవిడతలో భాగంగా లక్షన్నర వరకు రుణాలను మాఫీ చేశారు రేవంత్ రెడ్డి. 6లక్షల 40 వేల మంది రైతుల ఖాతాల్లోకి 6190 కోట్ల నిధులను జమ చేశారు. ఈ సందర్బంగా మాట్లాడిన రేవంత్ రెడ్డి..కాంగ్రెస్ మాట ఇస్తే నిలబెట్టుకుంటుందన్నారు.తమది ప్రజా ప్రభుత్వమని చెప్పారు. సోనియా, రాహుల్ ఇచ్చిన మాట ప్రకారం రైతులకు 2 లక్షల రుణమాఫీ చేస్తున్నామన్నారు.

మొదటి విడతలో 11లక్షల 34 వేల 412 మంది రైతుల ఖతాల్లో 6 వేల కోట్లు రుణమాఫీ చేశారు. ఇవాళ రెండో విడతలో 6లక్షల40 వేల 823 మంది రైతుల ఖాతాల్లో 6 వేల 90 కోట్లు జమ అయ్యాయి. మొత్తం రెండు విడతల్లో కలిసి 17లక్షల 75 వేల235 మంది రైతులకు లబ్ధి చేకూరింది. రెండు విడతల్లో 12 వేల 224 కోట్లు జమ చేశారు.

^{Also Read:-హైదరాబాద్ లోనూ 4 రైతులకు రుణమాఫీ.. ఏయే జిల్లాలో ఎంత మందికి.. ఎంత మాఫీ అంటే..}

సీఎం రేవంత్ రెడ్డి కామెంట్స్

సోనియా, రాహుల్ ఇచ్చిన మాట ప్రకారం రైతులకు 2 లక్షల రుణమాఫీ
వ్యవసాయం దండుగ కాదు..వ్యవసాయం పండుగ అని నిరూపిస్తున్నాం
రెండో విడత రుణమాఫీ చేస్తున్నాం
రుణమాఫీతో రైతులంతా సంబరం చేసుకుంటున్నారు
ఎమ్మెల్యే పార్టీలకు అతీతంగా పాల్గొనడం సంతోషకరం
రాజకీయ ప్రయోజనం కాదు రైతు ప్రయోజనం అని పాల్గొన్నారు
కార్యక్రమంలో బీజేపీ ఎమ్మెల్యేలు పాల్గొనడం సంతోషకరం
రుణమాఫీ చేయడంతో నా జన్మ ధన్యమైంది
వ్యాపారంలో నష్టమొచ్చిందని చెప్పి దేశం వదిలి పారిపోతున్నారు
కానీ రైతు మాత్రం తీసుకున్న అప్పు మాత్రం కట్టకుండా వదిలి పెట్టడు
క్రాప్ లోన్ తీసుకొచ్చి పంటకు పెట్టుబడి పెడితే.. పండించిన పంటకు గిట్టుబాటు రాకున్నా అప్పు చెల్లిస్తాడు
రైతులు అప్పుల పాలై ఆత్మహత్యలు చేసుకుంటున్నారు
రైతులు ఆర్ధిక సంక్షోభంలో కురుకుపోవద్దని రైతు రుణమాఫీ హామీ ఇచ్చాం.. చేస్తున్నాం
మేము హామీ ఇచ్చినప్పుడు అప్పటి సర్కార్ పెద్దలు నవ్వుకున్నారు
ధనిక రాష్ట్రంలో కూడా రైతులకు న్యాయం జరగలేదు
నిధులున్నా గత బీఆర్ఎస్ సర్కార్ రైతులకు న్యాయం చేయలేదు
పదేళ్లలో 25 వేల కోట్లను మాఫీ చేయలేకపోయారు
కాంగ్రెస్ మాటిస్తే నిలబెట్టుకుంటుంది
ఇది మా పాలన చిత్తశుద్ధి
కావాలనే కొందరు మా ప్రభుత్వంపై విమర్శలు చేస్తున్నారు
రైతు ఎంత నష్టం వచ్చినా వ్యవయసాయాన్ని వదలడం లేదు
రైతుల మేలు కోసం వరంగల్ రైతు డిక్లరేషన్
ఆహారభద్రత చట్టాన్ని తెచ్చింది కాంగ్రెస్..ఉచిత కరెంట్ ఇచ్చింది కాంగ్రెస్
పంటల బీమాను తీసుకొచ్చింది కాంగ్రెస్
మా చిత్తశుద్ధిని ఎవ్వరూ శంకించాల్సిన అవసరంలేదు
కాంగ్రెస్ ఎప్పుడూ రైతు పక్షమే
తుక్కగూడలో ఇచ్చిన ఆరు గ్యారంటీల అమలు కోసం కృషి చేస్తాం
ఓట్ల కోసమే ఎన్నికల కోసమో రుణమాఫీ చేయడం లేదు
దేశ చరిత్రలోనే ఫస్ట్ టైం 2 లక్షల ఒకే సారి రుణమాఫీ చేశాం
ఇది మా ప్రభుత్వ చరిత్ర
గత సీఎం చేసిన అప్పులకు మేం వడ్డీలు కడ్తున్నాం
ఆరు నెలల్లో 26 వేల కోట్ల అప్పులు కట్టినం