యాదాద్రి, వెలుగు : భువనగిరి లోక్సభ నియోజకవర్గంలోని 2,141 పోలింగ్ కేంద్రాలకు ఈవీఎంలను కేటాయించినట్టు ఎన్నికల అధికారి, కలెక్టర్హనుమంతు జెండగే తెలిపారు. శనివారం కలెక్టరేట్లో నిర్వహించిన రాజకీయ ప్రతినిధుల సమావేశంలో రెండో విడత ర్యాండమైజేషన్ ద్వారా ఈవీఎంలను కేటాయించారు. ఈ సందర్భంగా కలెక్టర్మాట్లాడుతూ 2,141 పోలింగ్ కేంద్రాలకు 8,023 బ్యాలెట్ యూనిట్లు, 2,673 కంట్రోల్ యూనిట్లు, 2,994 వీవీ ప్యాట్లు కేటాయించామని తెలిపారు.
అన్ని పోలింగ్ సెంటర్లకు 25 శాతం అదనంగా అదనంగా బాలెట్ యూనిట్లు, కంట్రోల్ యూనిట్లు, 40 శాతం అదనంగా వీవీ ప్యాట్లు కేటాయించినట్టు తెలిపారు. సమావేశంలో జనరల్ అబ్జర్వర్ రాబర్ట్ సింగ్ క్షేత్రిమయుమ్, ఉపఎన్నికల అధికారి, అడిషనల్ కలెక్టర్బెన్ షాలోమ్, భువనగిరి ఆర్డీవో అమరేందర్, అసిస్టెంట్ రిటర్నింగ్ ఆఫీసర్లు, కలెక్టరేట్ ఎన్నికల విభాగం సూపరింటెండెంట్ నాగేశ్వరాచారి, డిప్యూటీ తహసీల్దార్ సురేశ్, ఈడీఎం సాయికుమార్ పాల్గొన్నారు.
