వనపర్తి, వెలుగు: మిల్లర్లు ఈ నెల చివరిలోగా సీఎంఆర్ను ఎఫ్ సీఐకి అందించాలని కలెక్టర్ తేజస్ నందలాల్ పవార్ ఆదేశించారు. బుధవారం కలెక్టరేట్ కాన్ఫరెన్స్ హాల్లో అడిషనల్ కలెక్టర్ ఎస్ తిరుపతి రావుతో కలిసి రైస్ మిల్ అసోసియేషన్, రైస్ మిల్లర్లతో రివ్యూ నిర్వహించారు. ఈ సందర్భంగా కలెక్టర్ మాట్లాడుతూ సీఎంఆర్ ఇవ్వకుండా ఆలస్యం చేయడమేమిటని ఆగ్రహం వ్యక్తం చేశారు.
గడువులోగా సీఎంఆర్ wఇవ్వకుంటే కఠిన చర్యలు తప్పవని మిల్లర్లను హెచ్చరించారు. మిల్లుల వారీగా 2021 నుంచి ఇప్పటి వరకు కేటాయించిన వడ్లు, వారు ఇచ్చిన సీఎంఆర్పై రివ్యూ చేశారు. 20 రోజుల్లో బియ్యం ఎలా ఇస్తారనే విషయాన్ని లిఖిత పూర్వకంగా రాసి ఇవ్వాలని ఆదేశించారు.
