కలెక్టరేట్ చెత్తమయం

•  లోపల..బయట.. కారిడార్లలో చెత్తకుప్పలు
•  టీ కప్పులు, పావురాల రెట్టలు 
• కూర్చోవడానికి కనిపించని కుర్చీలు 
• అధికారులు, సిటిజన్ల నుంచి తీవ్ర విమర్శలు 

హైదరాబాద్​, వెలుగు: హైదరాబాద్​ కలెక్టరేట్ ​చెత్తకుప్పలా మారింది. లక్డీకపూల్​లోని స్నేహ సిల్వర్​జూబ్లీ భవన్​లోని కలెక్టరేట్ లో లోపల, బయట, కారిడార్లలో ఏ మూలన చూసినా, ఎటూ చూసినా చెత్తే కనిపిస్తుంది.  గ్రౌండ్​ ఫ్లోర్​లోని లిఫ్ట్​ పరిసరాలు చెత్త, గుట్కా మరకలు, తాగేసిన టీ కప్పులు, పావురాల రెట్టలతో నిండిపోయాయి. బిల్డింగ్ పై అంతస్తుల్లోని ఆఫీసుల ముందు మాత్రమే శుభ్రంగా కనిపిస్తుంది. భవనానికి కుడివైపున పార్కింగ్​ ఏరియాలో చెత్త డబ్బాలు నిండిపోగా ఓపెన్​ఏరియాలో పడేస్తుండగా  చెత్త గుట్టగా తయారైంది.  

కారిడార్లు, గోడల చుట్టూ పనికిరాని వస్తువులు, పగిలిపోయిన పూల కుండీలు, పాడైన ఫర్నిచర్ వదిలేయగా చిన్నపాటి డంపింగ్ యార్డ్​ను తలపిస్తుంది. స్నేహ బిల్డింగ్ ను నెలకోసారి కూడా క్లీన్​చేయరని, చెత్తను వారాల తరబడి తీసుకెళ్లరని కలెక్టరేట్​లోని ఓ అధికారి చెప్పారు. అయితే పక్కనే స్ఫూర్తి భవన్​లో కలెక్టర్ ఆఫీసు ఉంటుంది. అదే బిల్డింగ్ లో మంత్రులు సమీక్షలు కూడా నిర్వహిస్తుంటారు.  పక్కనే  స్నేహ బిల్డింగ్​ను మాత్రం అధికారులు పట్టించుకోకపోవడంపై కలెక్ట
రేట్​కు వచ్చిన ప్రజలు విమర్శలు చేస్తున్నారు. ఓల్డ్ రంగారెడ్డి జిల్లా కలెక్టరేట్ ను కొంగరకలాన్ లోని కొత్త బిల్డింగ్ లోకి తరలించాక.. ఇందులోకి  కొద్ది నెలల కిందట హైదరాబాద్ కలెక్టరేట్​ను షిఫ్ట్ చేసిన సంగతి తెలిసిందే. 

జిల్లా ఆఫీసులన్నీ ఇక్కడే.. 

4 అంతస్తులు ఉన్న స్నేహ సిల్వర్ జూబ్లీ భవన్ లో హైదరాబాద్ ​జిల్లాకు సంబంధించిన పలు ఆఫీసులు ఉన్నాయి. జిల్లా  స్త్రీ, శిశు, ట్రైబల్​ వెల్ఫేర్, స్పెషల్​ఎగ్జిక్యూటివ్​మేజిస్ట్రేట్, అడల్ట్​ఎడ్యుకేషన్, ల్యాండ్​అక్విజేషన్​స్పెషల్​ఆఫీస్, పబ్లిక్​ రిలేషన్​ఆఫీస్, అర్బన్ ​ల్యాండ్​సీలింగ్, సర్వే ల్యాండ్ ​రికార్డ్స్​, ఎగ్జిక్యూటివ్ ​ఇంజనీరింగ్, షెడ్యూల్డ్​క్యాస్ట్ డెవలప్​మెంట్​ సొసైటీ, యూత్​, స్పోర్ట్స్​ తదితర ఆఫీసులు ఉన్నాయి. రోజూ వందల సంఖ్యలో ప్రజలు తమ పనులపై ఆఫీసులకు వస్తుంటారు. ‘గవర్నమెంట్​ ఆఫీస్​లా లేదు. ఏదో భూత్​ బంగ్లాలా ఉంది.  గ్రౌండ్​ ఫ్లోర్​లో  కూర్చునేందుకు కనీసం కుర్చీలు కూడా లేవు’ అని ట్రైబల్​ఆఫీసుకు వచ్చిన ఓ వ్యక్తి అసహనం వ్యక్తంచేశారు. కాగా, నాంపల్లి ఉన్న హైదరాబాద్​ కలెక్టరేట్​ను గతేడాది లక్డీకాపూల్​కు మార్చారు. కలెక్టరేట్​లో స్ఫూర్తి, స్నేహ అనే రెండు భవన సముదాయాలు ఉన్నాయి.

ఎవరూ పట్టించుకోవట్లే..

 “స్నేహ సిల్వర్​ జూబ్లీ భవన్​ ను నెలకు ఒక్కసారి కూడా క్లీన్ చేయరు. వారాల తరబడి చెత్తను తీసుకెళ్లరు. సాయంత్రమైతే దోమలు విజృంభిస్తున్నాయి. కొన్నిసార్లు సెకండ్ గేట్​నుంచి బయటి వాటర్​లోపలికి వచ్చి బిల్డింగ్​ముందు నడవడానికి కూడా వీలు లేకుండా ఉంటుంది. ఇక వానాకాలంలో  పరిస్థితిఇంకా దారుణంగా ఉంటుంది. అధికారులకుపక్కన ఉన్న స్ఫూర్తి భవన్ మీద ఉన్న శ్రద్ధ స్నేహభవన్​ మీద లేదు. ఆ బిల్డింగ్​లో కలెక్టర్​ఉంటారు కాబట్టి క్లీన్​గా ఉంటుంది. ఇక్కడ అంతా కిందిస్థాయి అధికారులుఉంటారు.కాబట్టి ఎవరూ పట్టించుకోవట్లేదు. ఎవ రువస్తారో, వెళ్తారో తెలియదు. ఈ బిల్డింగ్​లో సీసీ కెమెరాలు ఏర్పాటు చేయాలి” అని ఓ అధికారి పేర్కొన్నారు.