హైదరాబాద్, వెలుగు:పాలమూరు–రంగారెడ్డి లిఫ్ట్స్కీమ్ కు పర్యావరణ అనుమతులపై తేల్చేందుకు కేంద్ర అటవీ పర్యావరణ మంత్రిత్వ శాఖ ప్రత్యేక కమిటీని ఏర్పాటు చేసింది. ఇప్పటికే ఎక్స్ పర్ట్అప్రైజల్కమిటీ తుదిదశ పర్యవరణ అనుమతులకు గ్రీన్సిగ్నల్ఇచ్చినా, ఈ ప్రాజెక్టులో పర్యావరణ ఉల్లంఘనల అంశం అడ్డంకిగా మారింది. ఉల్లంఘనలపై ఎన్జీటీ విధించిన జరిమానాకు సంబంధించిన నిధులు ఎలా వినియోగిస్తారో పర్యవేక్షించడానికి కేంద్రం ప్రత్యేక కమిటీ ఏర్పాటు చేసింది.
పాలమూరు లిఫ్ట్స్కీమ్ కు తుదిదశ పర్యావరణ అనుమతులు ఇస్తూ ఈఏసీ ఆగస్టు 10న సిఫార్సు చేసినా ఆ ప్రపోజల్కు కేంద్రం ఇంతవరకు అనుమతి ఇవ్వలేదు. పాలమూరు లిఫ్ట్స్కీమ్ లో పర్యావరణ ఉల్లంఘనలపై ఏపీలోకి కడప జిల్లాకు చెందిన పలువురు ఎన్జీటీని ఆశ్రయించారు. ఈ ప్రాజెక్టులో రిజర్వాయర్ల నిర్మాణంతో రూ.3.7 కోట్ల మేరకు పర్యావరణానికి నష్టం వాటిల్లిందని ఎన్జీటీ నియమించిన కమిటీ నిర్దారించింది. ఎన్జీటీ పాలమూరు – రంగారెడ్డి లిఫ్ట్స్కీంకు రూ.600 కోట్లు, డిండి ఎత్తిపోతలకు రూ.320 కోట్ల జరిమానా విధించింది. ఈ జరిమానా మొత్తాన్ని ఎలా ఖర్చు చేస్తున్నారో నిర్దారించడానికి ఎక్స్పర్ట్ కమిటీని ఏర్పాటు చేసింది. ఆ కమిటీ నివేదిక ఇచ్చిన తర్వాతే కేంద్ర అటవీ పర్యావరణ మంత్రిత్వ శాఖ పాలమూరుకు పర్యావరణ తుది అనుమతులు ఇవ్వనుంది.
