- జోనల్, మల్టీజోనల్ పోస్టులు అలాట్ కాకముందే లిస్టులు
హైదరాబాద్, వెలుగు: టీచర్లు, ఎంప్లాయీస్ జిల్లాలు, జోన్లు అలాట్మెంట్ గందరోగళంగా మారింది. స్పౌజ్ బదిలీల్లో ఆఫీసర్లకు సరైన ప్లాన్ లేకపోవడంతో ఉద్యోగులుగా ఉన్న భార్యాభర్తలు ఇబ్బందులు పడుతున్నారు. చాలా డిపార్ట్మెంట్లలో జోనల్, మల్టీజోనల్ పోస్టులను అలాట్ చేయకముందే, టీచర్లకు పోస్టింగ్లు ఇచ్చేశారు. దీంతో స్పౌజ్ బదిలీల్లో వారికి అవకాశం లేకుండా పోయింది. భార్యాభార్తలిద్దరూ అప్లికేషన్స్ పెట్టుకుంటే, కనీసం వెరిఫై చేయకుండా ఇద్దరికీ వేర్వేరుగా అలాట్మెంట్లు ఇచ్చారు. అధికారుల తప్పులకు టీచర్లు, ఎంప్లాయీస్ ఆందోళన చెందుతున్నారు. స్కూల్ ఎడ్యుకేషన్లో స్పౌజ్ బదిలీల కోసం 6వేల అప్లికేషన్లు రాగా, ఇతర అప్పీల్స్ మరో 8వేల వరకు వచ్చాయి. ఇప్పటికీ చాలా డిపార్ట్మెంట్లలో జోన్లు, మల్టీజోన్ల అలాట్మెంట్ పూర్తి కాలేదు. స్కూల్ ఎడ్యుకేషన్ డిపార్ట్మెంట్లోనే హెడ్మాస్టర్లకు గురువారం రాత్రి మల్టీజోన్లను అలాట్ చేశారు. ఇంకా జిల్లాలు అలాట్ కాలేదు. సూపరింటెండెంట్లకు జోన్లు అలాట్ చేసినా జిల్లాలకు కేటాయించలేదు. ఇంత గందరగోళంలో ఎంప్లాయీస్ స్పౌజ్ట్రాన్స్ఫర్ కోసం ఎలా అప్లై చేసుకుంటారని టీచర్లు ప్రశ్నిస్తున్నారు.
