ధర్మసాగర్, వెలుగు : కడియం శ్రీహరిని కాంగ్రెస్ పార్టీలో చేర్చుకోవద్దంటూ హనుమకొండ జిల్లా ధర్మసాగర్ మండల కేంద్రంలో ఓ యువకుడు పెట్రోల్ పోసుకొని ఆత్మహత్యాయత్నానికి పాల్పడ్డాడు. కడియం శ్రీహరి దళిత ద్రోహి అని, అతడిని కాంగ్రెస్ పార్టీలోకి చేర్చుకోవద్దంటూ జన పోరాట సమితి వ్యవస్థాపకుడు బొడ్డు భరత్ ఆధ్వర్యంలో ఆదివారం ధర్మసాగర్లో విలేకరుల సమావేశం నిర్వహించారు.
ఈ సందర్భంగా బొడ్డు భరత్ మాట్లాడుతూ కడియం శ్రీహరి దళితులను ఎదగనివ్వకుండా అణగదొక్కుతూ వచ్చి, ఎదురువచ్చిన వారిపై అక్రమ కేసులు పెట్టి ఇబ్బందులకు గురి చేశారన్నారు. అలాంటి వ్యక్తికి కాంగ్రెస్ పార్టీలో స్థానం కల్పించకూడదని సీఎం రేవంత్రెడ్డికి విజ్ఞప్తి చేశారు. భరత్ మాట్లాడుతుండగానే జన పోరాట సమితి సభ్యుడు దార విజయ్ కాంత్ పెట్రోల్ బాటిల్ పట్టుకొని కడియం శ్రీహరికి టికెట్ ఇస్తే పెట్రోల్ పోసుకొని నిప్పంటించుకుని చస్తానని హెచ్చరించాడు. దీంతో మీటింగ్లో ఉద్రిక్తత నెలకొంది. మిగతా సభ్యులు అడ్డుకొని పెట్రోల్ బాటిల్ లాక్కోవడంతో ముప్పు తప్పింది.
