కాంగ్రెస్ బీసీ డిక్లరేషన్ హామీలు మొత్తం ఇవే..

కాంగ్రెస్ పార్టీ బీసీ డిక్లరేషన్ ను ప్రకటించింది. 2023, నవంబర్ 10వ తేదీ శుక్రవారం కామారెడ్డిలో కాంగ్రెస్ భారీ బహిరంగ సభ నిర్వహించింది. ఈ సభకు కర్నాటక ముఖ్యమంత్రి సిద్ధరామయ్య, పీసీసీ చీఫ్ రేవంత్ రెడ్డి, ప్రొఫెసర్ కోదండరామ్, విహెచ్, పలువురు కాంగ్రెస్ ముఖ్య నాయకులు హాజరయ్యారు. ఈ సందర్భంగా సిద్ధరామయ్య చేతుల మీదుగా కాంగ్రెస్.. బీసీ డిక్లరేషన్ ప్రకటించింది.

కాంగ్రెస్ బీసీ డిక్లరేషన్ హామీలు

రిజర్వేషన్లు:
>> కుల గణన, బీసీ కీమషన్ నివేదిక ఆధారంగా అధికారంలోకి వచ్చిన 6 నెలల్లోపే బీసీల రిజర్వేషన్ల పెంపు.
>> కొత్త స్థానిక సంస్థల్లో ప్రస్తుతమున్న బీసీ రిజర్వేషన్లు 23 నుంచి 42 శాతానికి పెంపు. పంచాయతీలు, మున్సిపాలటీల్లో కొత్తగా 23,973 మంది బీసీలకు రాజకీయ ప్రాతినధ్యం. స్థానిక సంస్థల్లో బీసీ రిజర్వేషన్ల ఉప వర్గీకరణ.
>> ప్రభుత్వ సివిల్ కన్ స్ట్రక్షన్, మెయింటెనెన్స్ కాంట్రాక్టులలో బీసీలకు 42 శాతం రిజర్వేషన్.

నిధులు:
>>బీసీ సబ్ ప్లాన్ కు తగినన్ని నిదులు మంజూరు చేసేందుకు మొదట అసెంబ్లీ సెషన్స్ లోనే చట్టబద్దమైన హోదాతో మహాత్మా బ్యోతిబాపులే బీసీ సబ్ ప్లాన్ ఏర్పాటు.
>> బీసీ సంక్షేమానికి ఏడాదికి రూ.20వేల కోట్ల చొప్పున ఐదేళ్లలో రూ.లక్ష కోట్లు కేటాయింపు.

సంక్షేమం:
>> ఎంబీసీ కులాల అభివృద్ధిని పర్యవేక్షించేందుకు ప్రత్యేక ఎంబీసీ సంక్షేమ మంత్రిత్వ శాఖ.
>>అన్ని బీసీ కులాల సమగ్రాభివృద్ధికి కార్పొరేషన్ల ఏర్పాటు. బీసీ యువత చిరు వ్యాపారాలు నిర్వమించుకునేందుకు, ఉన్నత విద్య కోసం రూ.10లక్షల వరకు పూచీకత్తు లేని వడ్డీ లేని రుణాలు.
>> అన్ని జిల్లా కేంద్రాల్లో రూ.50కోట్లతో కన్వెన్షన్ హాల్, ప్రెస్ క్లబ్, స్టడీ సర్కిల్, లైబ్రరీ, క్యాంటీన్ లతో కూడిన ప్రొఫెసర్ జయశంకర్ బీసీ ఐక్యత భవనాలు. బీసీ ఐక్యత భవన్ లోనే జిల్లా బీసీ సంక్షేమ కార్యాలయం ఏర్పాటు.

విద్య:
>> ప్రతి మండలంలో నవోదయ విద్యాలయాలతో సమానంగా బీసీలకు ఒక కొత్త గురుకులం, ప్రతి జిల్లాలో ఒక కొత్త డిగ్రీ కాళాశాల.
>> రూ.3లక్షల కంటే తక్కువ వార్షిక ఆదాయం గల బీసీ కుటుంబాల యువతకు ర్యాంక్ తో సంబంధం లేకుండా మొత్తం ఫీజు రీయింబర్స్ మెంట్.

చేతి వృత్తులకు సాయం:
>> "వృత్తి బజార్" పేరుతో ప్రతి మండలంలో 50 దుకాణాల షాపింగ్ కాంప్లెక్స్ ఏర్పాటు చేసి, మంగలి, వడ్రంగి, చాకలి, కమ్మరి, స్వర్ణకారుల వంటి చేతి వృత్తుల వారికి ఉచితంగా షాపు స్థలాలు అందజేత.
>> గీత కార్మికులు, చేనేత కార్మకులకు ప్రస్తుతం ఉన్న 50ఏండ్ల వృద్ధాప్య పింఛన్ అర్హత వయస్సునే మిగతా అన్ని చేతి వృత్తులు చేపట్టే వారికి వర్తింపు.
>> బీసీ కార్పొరేషన్లు, ఫెడరేషన్ల కింద నమోదైన ప్రతి సొసూటీకి ఎన్నికల నిర్వహణ, రూ.10 లక్షల ఆర్థిక సహాయం.

వివిధ సామాజిక వర్గాలకు హామీలు:

ముదిరాజ్:
>> G.O.Ms.No.dt. 19/02/2009 పునరుద్ధరణ. ముదిరాజ్, ముత్రాసు, తెనుగోళ్ల సామాజిక వర్గాలను బీసీ-డీ నుండి బీసీ-ఏలోకి చేర్చడం.
గంగపుత్ర:
>> మత్స్యకార హక్కులకు సంబంధించి మత్స్యకార సామాజిక వర్గాల మధ్య పెండింగ్ లో ఉన్న సమస్యలను పరిష్కరించేందుకు తెలంగాన మత్స్య అభివృద్ధి బోర్డు ఏర్పాటు. ఆక్వాకల్చర్ కు ప్రోత్సాహం, క్యాప్టివ్ సీడ్ నర్సరీలు, మార్కెటింగ్ ఇన్ ఫ్రాస్ట్రక్షర్ వంటి మత్స్య సంసద అభివృద్ధి కార్యక్రమాలు.
గొల్ల కురుమలు:
>>అధికారంలోకి వచ్చిన 100 రోజుల్లోనే 2వ దశ గొర్రెల పంపిణీ.
గౌడ్:
>> ఈత చెట్ల పెంపకానికి ప్రతి గ్రామంలో 5 ఎకరాల భూమి కేటాయింపు, ఈత మొక్కలు, బిందు సేద్యం, కాంపౌండ్ నిర్మాణాలపై 90 శాతం సబ్సిడీ.
>> మద్యం షాపుల లైసెన్సులలో గౌడ్ లకు ప్రస్తుతమున్న రిజర్వేషన్లు 15 నుంచి 25 శాతానికి పెంపు.

మున్నూరు కాపు:
>> తెలంగాణ మున్నూరు కాపు కార్పొరేషన్ ఏర్పాటు. యువ పారిశ్రామికవేత్తలను ప్రోత్సహించేందుకు సబ్సిడీ రుణాల పంపిణీ.
పద్మశాలి:
>> జగిత్యాల, నారాయణపేట, భువనగిరిలలో మెగా పవర్లూమ్ క్లస్టర్ల ఏర్పాటు.
>> పద్మశాలీలకు పవర్ లూమ్స్, పరికరాలపై 90 శాతం సబ్సిడీ.
విశ్వకర్మ:
>>మంగలి, స్వర్ణకారులు, కమ్మరి, వడ్రంగులు, కుమ్మరులకు 90శాతం సబ్సిడీతో టూల్ కిట్ లు.
>>పట్టణ ప్రాంతాల్లో షాప్ ల ఏర్పాటుకు భూమి కేటాయింపు.
రజక:
>>రజక యువతకు పట్టణాల్లో లాండ్రోమెట్స్ ఏర్పాటు చేసుకునేందుకు రూ.10లక్షలు
>>రాష్ట్ర వ్యాప్తంగా ధోబీ ఘాట్ ల ఆధునీకరణ కోసం ప్రతి జిల్లాకు రూ.10కోట్లు కేటాయింపు.