భోపాల్: రానున్న అసెంబ్లీ ఎన్నికలే లక్ష్యంగా మధ్యప్రదేశ్ కాంగ్రెస్ పార్టీ కేంద్ర ఎన్నికల కమిటీ సమావేశాన్ని నిర్వహించింది. కాంగ్రెస్ చీఫ్ మల్లికార్జున ఖర్గే ఈ మీటింగ్కు అధ్యక్షత వహించారు. ఇందులో కాంగ్రెస్ అగ్రనేత రాహుల్ గాంధీ, అధిర్ రంజన్ చౌదరి, అంబికా సోనీ, మధ్యప్రదేశ్ కాంగ్రెస్ చీఫ్ కమల్ నాథ్ తదితరులు పాల్గొన్నారు.
రాష్ట్రంలో తమ పార్టీ తరపున బరిలోకి దింపేందుకు కీలక నేతలను ఎంపిక చేయడమే లక్ష్యంగా ఈ మీటింగ్ జరిగింది. త్వరలోనే అభ్యర్థుల లిస్టును పార్టీ ప్రకటించనుంది. మధ్యప్రదేశ్లో మొత్తం 230 అసెంబ్లీ స్థానాలు ఉండగా నవంబర్ 17న వీటికి పోలింగ్ నిర్వహించనున్నారు.
