మేడిపల్లి, వెలుగు: బోడుప్పల్ కార్పొరేషన్ అభివృద్ధికి ప్రభుత్వం నుంచి పది రూపాయలు కూడా తీసుకురాలేని మంత్రి మల్లారెడ్డికి ఇక్కడ జనం ఎందుకు ఓటేయాలని కాంగ్రెస్ నేత, బోడుప్పల్ కాలనీల సంక్షేమ సంఘాల సమాఖ్య చైర్మన్ రాపోలు రాములు ప్రశ్నించారు. శనివారం బోడుప్పల్లో ఏర్పాటు చేసిన మీడియా సమావేశంలో ఆయన మాట్లాడారు.
కేసీఆర్, కేటీఆర్కు భజనం చేయడం తప్ప మంత్రి మల్లారెడ్డి జనాలకు చేసిందేమీ లేదన్నారు. బోడుప్పల్కు చెందిన కాంగ్రెస్ మేడ్చల్ అభ్యర్థి వజ్రేశ్యాదవ్ను ఈ ఎన్నికల్లో ఎమ్మెల్యేగా భారీ మెజార్టీతో గెలిపించేందుకు సిద్ధంగా ఉన్నామన్నారు. సమావేశంలో నాయకులు చెంచల నర్సింగరావు, శ్రీనివాస్ రెడ్డి, రామకృష్ణారెడ్డి, రాజేశ్, నరేశ్ పాల్గొన్నారు.
