- మేనిఫెస్టోలో పొందుపర్చాల్సిన అంశాలపై చర్చ
హైదరాబాద్, వెలుగు: కాంగ్రెస్ జాతీయ మేనిఫెస్టో కమిటీ సమావేశం శనివారం మంత్రి శ్రీధర్ బాబు అధ్యక్షతన జరిగింది. మేనిఫెస్టో కమిటీకి శ్రీధర్ బాబు చైర్మన్‌‌‌‌‌‌‌‌గా ఉన్నారు. ఈ సందర్భంగా తెలంగాణకు సంబంధించి జాతీయ మేనిఫెస్టోలో పొందుపర్చాల్సిన అంశాలపై చర్చించారు. ప్రధానంగా ఏపీ విభజన చట్టంలో తెలంగాణకు హక్కుగా రావాల్సిన అంశాలు చర్చకు వచ్చాయి. ప్రాంతీయ ఎయిర్పోర్టులు, వరంగల్ ఎయిర్ పోర్ట్ ఆధునీకరణ, సింగరేణి రైల్వే, స్పోర్ట్స్ యూనివర్సిటీ, కేంద్రీయ విద్యాలయాలు, సైనిక స్కూల్స్, నవోదయ బడులు తదితర అంశాలను మేనిఫెస్టోలో చేర్చే విధంగా ప్రణాళికలు రచించారు. ఈ సమావేశంలో కమిటీ సభ్యులు జానయ్య, జనక్ ప్రసాద్, రియాజుద్దీన్, వినోద్ కుమార్, అనంతుల శ్యామ్ మోహన్, కమలాకర్ తదితరులు పాల్గొన్నారు
