హైదరాబాద్, వెలుగు: కాంగ్రెస్ సీనియర్ నేత బక్క జడ్సన్పై సస్పెన్షన్ వేటు పడింది. పార్టీ నుంచి ఆయన్ను సస్పెండ్ చేసినట్టు పీసీసీ క్రమశిక్షణ కమిటీ చైర్మన్ చిన్నారెడ్డి మంగళవారం వెల్లడించారు. పార్టీ వ్యతిరేక కార్యకలాపాలకు పాల్పడుతున్న నేపథ్యంలో ఈ నిర్ణయం తీసుకున్నట్టు పేర్కొన్నారు.
కాంగ్రెస్, సీఎం రేవంత్ రెడ్డికి వ్యతిరేకంగా జడ్సన్ పలు బహిరంగ వేదికలు, టీవీ ఛానళ్లలో విమర్శలు చేశారు. దీంతో పీసీసీ క్రమశిక్షణా కమిటీ ( డీఏసీ) జడ్సన్కు షోకాజ్ నోటీసులు జారీ చేసింది. అయితే జడ్సన్ ఇచ్చిన వివరణకు సంతృప్తి చెందని కమిటీ ఆయన్ను పార్టీ నుంచి సస్పెండ్ చేసినట్టు చిన్నారెడ్డి తెలిపారు.