పెద్దపల్లి జిల్లా మంథని మున్సిపాలిటీని కాంగ్రెస్ కైవసం చేసుకుంది. మంథని మున్సిపల్ చైర్మన్ గా పెండ్రు రమ, వైస్ చైర్మన్ గా శ్రీపతి బాణయ్య ఏకగ్రీవంగా ఎన్నికయ్యారు. మంథని మున్సిపాలిటీలో మొత్తం 13 మంది కౌన్సిలర్లు ఉండగా 9 మంది మద్దతుతో నూతన మున్సిపల్ పాలకవర్గం ఎన్నిక అయింది.
గత ఫిబ్రవరి 16న అప్పుడున్న చైర్మన్ పుట్ట శైలజ, వైస్ చైర్మన్ ఆరేపల్లి కుమార్ లపై అవిశ్వాసం నెగ్గింది. మంథని ఎన్నికల రిటర్నింగ్ అధికారి, ఆర్డిఓ సమక్షంలో ఈ ఎన్నిక జరిగింది. మంథని మున్సిపాలిటీ అభివృద్ధికి పాటు పడతామని.. పట్టణాన్ని అన్ని విధాల అభివృద్ధి చేస్తామని నూతనంగా ఎన్నికైన చైర్మన్ రమ అన్నారు.
