- న్యాయవాది పి. ప్రతాప్
ఖైరతాబాద్,వెలుగు: కాప్రా పరిధిలోని వంపుగూడ భూముల వివాదంలో మంచిర్యాల ఎమ్మెల్యే ప్రేమ్సాగర్రావుకు ఎలాంటి సంబంధం లేదని ఆయన తరఫు న్యాయవాది పి.ప్రతాప్ అన్నారు. సోమవారం సోమాజిగూడ ప్రెస్క్లబ్లో మీడియా సమావేశం నిర్వహించి మాట్లాడారు. ఎమ్మెల్యేను రాజకీయంగా ఆయనను దెబ్బతీసేందుకే కొందరు కుట్రపన్ని అసత్య ఆరోపణలు చేస్తున్నారని ఆగ్రహం వ్యక్తంచేశారు.
ఆ భూముల అసలైన ఓనర్సయ్యద్ అలీఖాన్జాఫ్రి అన్నారు. ఆయన1964లో నర్సారెడ్డికి భూమిని అమ్మగా, ఆయన వద్ద శంషాబాద్కు చెందిన సత్తయ్య కొనుగోలు చేసినట్టు గుర్తుచేశారు. మొత్తం 61.34 గుంటల భూమిలో ఎమ్మెల్యే ప్రేమ్సాగర్రావుకు సెంటు భూమి కూడా లేదని స్పష్టంచేశారు. ఆయనను ఎందుకు ఇరికిస్తున్నారని ప్రశ్నించారు. ప్రస్తుతం ఆ భూమి 40 ఏండ్లుగా కోర్టు పరిధిలో ఉందన్నారు.
ALSO READ : రుణమాఫీకి కండిషన్లు ఏంటి : ఏలేటి మహేశ్వర్ రెడ్డి
కొందరు రియల్ఎస్టేట్ఏజంట్లు కావాలనే ఆయన ప్రతిష్టను దెబ్బతీసేందుకు కుట్రపన్నారని న్యాయవాది పి.ప్రతాప్ ఆరోపించారు . భూ కబ్జాదారుడు అంటూ కొందరు చేస్తున్న ఆరోపణలపై న్యాయపరంగా క్రిమినల్ చర్యలు తీసుకుంటామని ఆయన హెచ్చరించారు.
