పర్యాటకులు, బిజినెస్ మ్యాన్ కోసం ముంబైలోని కొన్ని ప్రాంతాల్లో ఉన్న హోటళ్లు, రెస్టారెంట్లను 24 గంటలు ఓపెన్ చేయాలని ఇటీవలే మహారాష్ట్ర ప్రభుత్వం నిర్ణయం తీసుకుంది. అయితే తాజాగా పర్యాటకులకు డ్రింకర్స్ వల్ల ఇబ్బంది కలగకూడదని ఆ రాష్ట్ర సర్కార్ ఓ తీర్మానం చేసింది. రాష్ట్రంలోని కొన్ని పర్యాటక ప్రాంతాల్లో మద్యం తాగడంపై నిషేధం విధించింది.
మహారాష్ట్రలోని ప్రాచీన కోటల దగ్గర మద్యం తాగితే 10 వేల రూపాయలు ఫైన్ వేస్తామని ఆ రాష్ట్ర హోం శాఖ ఉత్తర్వుల జారీ చేసింది. ఆయా ప్రాంతాల్లో ఆల్కహాల్ తీసుకోకూడదన్న నిబంధనను ఉల్లంఘించిన వారికి జరిమానాతో పాటు ఆరు నెలల జైలు శిక్ష విధిస్తామని ఆ ఉత్తర్వుల్లో తెలిపింది.
Maharashtra Home Department has issued a government resolution (GR) banning consumption of alcohol at ancient forts in the state. The offenders could face a fine of Rs 10,000 and six months imprisonment on violation of the order.
— ANI (@ANI) February 2, 2020
