ఒడిశాలోని పూరీ జగన్నాథ దేవాలయం నుంచి ఒక హృదయాన్ని కదిలించే వీడియో ఇప్పుడు సోషల్ మీడియాలో తెగ వైరల్ అవుతోంది. ఈ వీడియోలో ఒక వృద్ధ మహిళను తన చేతుల్లో ఎత్తుకుని భగవంతుని దర్శనం చేసుకోవడానికి ఒక పోలీసు సహాయం చేయడం కనిపించింది. వృద్ధాప్య భక్తురాలు ఆలయ ప్రాంగణం చుట్టూ ఎక్కువ దూరం నడవలేకపోయింది. దీంతో పోలీసు ఆమెకు సాయంగా వచ్చారు. పాదరక్షలు లేకుండా, యూనిఫాం ధరించిన ఆ అధికారి.. ఆమెతో పాటు ఆలయ ప్రవేశ ద్వారం వైపు నడుస్తూ కనిపించారు.
వృద్ధురాలిని తన చేతుల్లోకి ఎత్తుకుని ఆలయానికి తీసుకెళ్లే ఈ వీడియోను చుట్టుపక్కల వారు కెమెరాలో చిత్రీకరించారు. ఈ ఫుటేజీని పూరీ పోలీసులు ఆన్లైన్లో పంచుకున్నారు. దీంతో సోషల్ మీడియా యూజర్స్.. పోలీసు సిబ్బందికి సెల్యూట్తో ప్రశంసిస్తున్నారు.
జగన్నాథునికి అత్యంత ప్రీతిపాత్రమైన పవిత్ర కార్తీక మాసంలో ఈ సంఘటన చోటు చేసుకుంది. ఈ కాలంలో, ప్రజలు భగవంతుని కోసం ప్రత్యేక ప్రార్థనలను చేస్తారు. దైవిక ఆశీర్వాదం కోసం కార్తీక వతాన్ని ఆచరిస్తారు. అయితే ఈ తాజా వీడియో ఆన్లైన్లో పోస్ట్ చేయడంతో.. పూరీ పోలీసులు భారీగా రద్దీ ఉన్నప్పటికీ బృందం ప్రజలను జాగ్రత్తగా చూసుకుంటున్నట్లు భక్తులకు తెలియజేశారు.
నెటిజన్ల ప్రశంసలు
జగన్నాథుని వృద్ధ భక్తుడిని ఆలయానికి తీసుకెళ్లిన పోలీసును ఇంటర్నెట్ ప్రశంసించింది. "ఈ వీడియోలో ఉన్న పోలీసు పర్సనల్కు హ్యాట్సాఫ్. మహాప్రభు శ్రీ జగన్నాథ్కి వారి దర్శన సమయంలో వృద్ధ భక్తుల భద్రత అందించిన ఆయనను మహాప్రభు ఆశీర్వదించాలి" అని ఫుటేజీకి యూజర్స్ పొగుడుతున్నారు. "గుడ్ జాబ్ పూరీ పోలీస్. సెల్యూట్ టు యూ ఆల్" అని మరో X యూజర్ అన్నారు. అక్టోబర్ చివరలో షేర్ చేయబడిన ఈ క్లిప్ ఇప్పటివరకు 16వేల వ్యూస్ ను అందుకుంది. దీంతో ఇది ఇప్పుడు వివిధ సోషల్ మీడియా సైట్లలోనూ ఫార్వార్డ్ చేయబడుతోంది.
ALSO READ : OMG : AI ఎంత డేంజరో.. రష్మిక వీడియోతో తేలిపోయింది..!
Kartik Month -
— Puri Police (@SPPuri1) October 29, 2023
Expecting heavy crowd and old age devotees,
Detailed police arrangement has been made at Sri Jagannath Temple.
17 Platoons of force have been deployed.
Special efforts and care is being taken to ensure Hassle Free Darshan of old age devotees. pic.twitter.com/8nAZNKWRND