- వారంలో ఏడింతలు
- రాష్ట్రంలో స్పీడుగా పెరుగుతున్న కరోనా కేసులు
- శుక్రవారం ఒక్క రోజే 2,295 మందికి పాజిటివ్
హైదరాబాద్, వెలుగు: రాష్ట్రంలో కరోనా కేసులు యమా స్పీడ్గా పెరిగిపోతున్నాయి. వారం రోజుల్లోనే ఏడింతలయ్యాయి. జనవరి 1న 317 మంది దాని బారిన పడితే.. శుక్రవారం ఒక్కరోజే 2,295 మందికి పాజిటివ్ అని తేలింది. యాక్టివ్ కేసులూ 10 వేలకు దగ్గర్లోకి వచ్చేశాయి. కొత్తగా నమోదైన కరోనా కేసుల్లో గ్రేటర్ హైదరాబాద్లోనే 80 శాతం మంది ఉన్నారు. హైదరాబాద్ పరిధిలో 1,452 కొత్త కేసులు వచ్చాయి. ఆ తర్వాత మేడ్చల్లో 232, రంగారెడ్డి జిల్లాల్లో 218 మందికి కరోనా సోకింది. మిగిలిన అన్ని జిల్లాల్లో కలిపి 393 కేసులు నమోదయ్యాయి. శుక్రవారం విడుదల చేసిన కరోనా బులెటిన్లో ఆరోగ్య శాఖ ఈ వివరాలను వెల్లడించింది. మొత్తంగా రాష్ట్రంలో కరోనా కేసులు 6,89,751కి పెరిగాయి. శుక్రవారం మరో ముగ్గరు కరోనాతో చనిపోగా.. మొత్తం మరణాల సంఖ్య 4,039కి చేరింది. వారం క్రితం 3 వేలుగా ఉన్న యాక్టివ్ కేసులు ఇప్పుడు 9,861కి పెరిగాయి. ఇప్పటిదాకా మహమ్మారి నుంచి 6,75,851 మంది కోలుకున్నారు. ప్రస్తుతం ఉన్న యాక్టివ్ కేసుల్లో 1,380 మంది వివిధ ఆస్పత్రుల్లో చికిత్స తీసుకుంటున్నారు. అందులో 555 మంది ఆక్సిజన్ సపోర్ట్పై ఉండగా.. 422 మంది ఐసీయూలో ట్రీట్మెంట్ పొందుతున్నారు.
ప్రభుత్వ దవాఖాన్లలో ఫీవర్ క్లినిక్‌‌‌‌‌‌‌‌లు
సెకండ్వేవ్తో పోలిస్తే ఇప్పుడు కరోనా కేసుల సంఖ్య చాలా స్పీడ్గా డబుల్ అవుతున్నాయి. చిన్న లక్షణాలు కనిపించినా టెస్ట్ చేయించుకునేందుకు జనాలు మొగ్గు చూపుతున్నారు. రెండు రోజుల క్రితం వరకు రాష్ట్రంలో 40 వేలకు మించి టెస్టులు చేయలేదు. అయితే, గురువారం 50 వేలు దాటగా, శుక్రవారం 64,474 మందికి టెస్ట్ చేశారు. ప్రభుత్వ దవాఖాన్లలో ప్రత్యేకంగా ఫీవర్ క్లినిక్లను స్టార్ట్ చేశారు. లక్షణాలున్నోళ్లకు కొన్ని ఆస్పత్రుల్లో హోం ఐసోలేషన్ కిట్లు ఇవ్వడం కూడా ప్రారంభించారు.
