- తగ్గించిన మార్జిన్ పెంచాలని డిమాండ్
ఎల్బీనగర్, వెలుగు: పౌల్ట్రీ ఫార్మ్ రంగంలో కార్పొరేట్ కంపెనీలు ఇష్టానుసారంగా వ్యవహరిస్తూ తమను దోపిడీ చేస్తున్నాయని తెలంగాణ బ్రాయిలర్ కోళ్ల ట్రేడర్ అసోసియేషన్ మండిపడింది. బ్రాయిలర్ కోళ్ల ట్రేడర్లపై రేట్లు పెంచి మార్జిన్ను తగ్గించడమే కాకుండా, చికెన్ షాప్ రిటైల్ వ్యాపారులను ఇబ్బందులకు గురిచేస్తున్నాయని పేర్కొంది.
మంగళవారం ఎల్బీనగర్లోని ఓ గార్డెన్‌‌లో అసోసియేషన్ నాయకులు సమావేశం నిర్వహించారు. ఈ సందర్భంగా వారు మాట్లాడుతూ.. కార్పొరేట్ యాజమాన్యాలు స్వలాభం కోసం అడ్డగోలుగా రేట్లు పెంచుకుంటూ ట్రేడర్లకు న్యాయబద్ధంగా రావాల్సిన రేట్లను ఇవ్వడం లేదని ఆరోపించారు. బ్రాయిలర్ ట్రేడర్లు, చికెన్ షాప్ వ్యాపారులకు సరైన గుర్తింపు ఇవ్వాలని కోరారు. ఇప్పటికైనా తమకు తగ్గించిన మార్జిన్ను పెంచాలని డిమాండ్చేశారు.
