నెల్లిమలై రిజర్వ్ ఏరియాలో సంచరిస్తున్న బాహుబలి అనే అడవి ఏనుగు నోటికి గాయమైంది. గాయాలకు గల కారణాలు ఇంకా తెలియరాలేదని కోయంబత్తూరు అటవీ విభాగం అధికారులు తెలిపారు. బాహుబలి, మరొక ఏనుగు మధ్య గొడవల ఫలితంగా ఈ ఘటన జరిగి ఉండవచ్చు లేదా అటవీ వేటగాళ్ళు నాటిన ఇంట్లో తయారు చేసిన బాంబు (అవుత్తుక్కై)ని బాహుబలి కొరకడం వల్ల ఇది జరిగి ఉండవచ్చని నివేదికలు చెబుతున్నాయి.
అటవీ రేంజ్ అధికారి జోసెఫ్ స్టాలిన్ ఆధ్వర్యంలో ఫ్రంట్‌లైన్ ఉద్యోగుల బృందం.. గాయపడిన ఏనుగుపై నిఘా ఉంచింది. "మేము నెల్లిమలై వద్ద ఏనుగు రక్తపు జాడను గమనిస్తున్నాం. గాయపడిన ఏనుగు జూన్ 22న ఉదయం జగ్గనారి రిజర్వ్ ఫారెస్ట్‌కు తరలించబడింది. మా బృందం నిర్దిష్ట దూరం నుండి ఏనుగును పర్యవేక్షిస్తోంది" అని అధికారులు వెల్లడించారు.
పేలుడు పదార్థాలను చెక్ చేసేందుకు స్నిఫర్ డాగ్‌లను రప్పించారు
మెట్టుపాళయం అటవీ రేంజ్‌లోని జగ్గనారి రిజర్వ్ ఫారెస్టును అటవీ పశువైద్యాధికారి సుకుమార్ సందర్శించారు. గాయాలను మాన్పడానికి, అటవీ శాఖ జంతువును డార్ట్, మత్తుమందు ఇవ్వాలని భావిస్తోంది. రిజర్వ్ ఫారెస్ట్‌లో ఏవైనా పేలుడు పదార్థాలు ఉన్నాయో లేదో తనిఖీ చేయడానికి డిపార్ట్‌మెంట్ రెండు స్నిఫర్ డాగ్‌లను కూడా తీసుకువచ్చింది. అడవి జంతువులను పట్టుకోవడానికి వేటగాళ్లు ఒకప్పుడు పైనాపిల్స్ లేదా ఇతర పండ్ల లోపల పేలుడు పదార్థాలను దాచి ఉంచేవారు. ఏనుగు పొరపాటున ఆ పండ్లను కొరికి ఉండవచ్చని సమాచారం. ప్రతిరోజూ ఏనుగు రిజర్వ్ నుండి ఒంటరిగా బయలుదేరుతుంది. కానీ అది జనావాస ప్రాంతాల గుండా వెళుతున్నప్పుడు ఎటువంటి వాహనాలపై లేదా మానవులపై దాడి చేయలేదు.
ALSOREAD:కాంగ్రెస్ నుంచి గెలిచే ఎమ్మెల్యేలు మళ్లీ బీఆర్ఎస్ కు అమ్ముడుపోతారు : ఎంపీ అర్వింద్
https://twitter.com/VoicelessRights/status/1671861129923141632
