లండన్: మరో మూడు నెలల్లో బ్రిటన్ ప్రజలందరికీ కరోనా టీకా అందుబాటులోకి రానున్నట్టు తెలుస్తోంది. ఈ మేరకు ప్రఖ్యాత టైమ్స్ పత్రిక ఓ కథనాన్ని ప్రచురించింది. కొత్త ఏడాది ప్రారంభమయ్యేలోపే కావలిసిన అనుమతులను ప్రభుత్వం జారీ చేయాలని టీకా రూపకల్పనలో పాలుపంచుకుంటున్న శాస్త్రవేత్తలు ఆశిస్తున్నట్టు తెలిపింది. అయితే..చిన్నారులు మినహా మిగతా ప్రజలందరికీ టీకా ఇవ్వదలిస్తే ఈ ప్రక్రియ మొత్తం మరింత వేగవంతమయ్యే అవకాశం ఉన్నట్టు అక్కడి నిపుణులు చెబుతున్నట్లు తెలిపింది టైమ్స్.
ఇదిలా ఉండే.. మరో ఆరు నెలల్లో బ్రిటన్లో ప్రతి ఒక్కరికీ మరో ఆరు నెలల్లో టీకా అందుబాటులోకి వస్తుందనేది ప్రభుత్వాధికారుల అంచనా అని కూడా టైమ్స్ తెలిపింది. ఐరోపాకు చెందిన యూరోపియన్ మెడికల్ ఏజెన్సీ .. ఆక్స్ఫర్డ్ టీకా పురోగతిని ఎప్పటికప్పుడు రియల్ టైంలో పరిశీలిస్తున్నట్టు ఇటీవల ప్రకటించింది. వ్యాక్సిన్ విడుదలను వేగవంతం చేసేందుకే మెడికల్ ఏజెన్సీ ఈ నిర్ణయం తీసుకున్నట్టు సమాచారం.