ఐబొమ్మలో నేను కూడా ఫ్రీగా సినిమాలు చూశా.. ఆరేడు వందలు పెట్టి ఎలా చూసేది అని.. : సీపీఐ నారాయణ

ఐబొమ్మలో నేను కూడా ఫ్రీగా సినిమాలు చూశా.. ఆరేడు వందలు పెట్టి ఎలా చూసేది అని.. : సీపీఐ నారాయణ

ఐబొమ్మ నిర్వాహకుడు ఇమ్మడి రవి అరెస్ట్ ప్రకంపనలు రేపిన సంగతి తెలిసిందే. ఐబొమ్మ రవి అరెస్ట్ పట్ల త,ఇవుడ్ ఇండస్ట్రీ హర్షం వ్యక్తం చేస్తోంటే.. కొంతమంది సామాన్యులు ఇమ్మడి రవి అరెస్ట్ ను వ్యతిరేకిస్తున్నారు. ఈ క్రమంలో  సీపీఐ నారాయణ సంచలన వ్యాఖ్యలు చేశారు. తాను కూడా ఐబొమ్మలో ఫ్రీగా సినిమాలు చూశానంటూ సంచలన వ్యాఖ్యలు చేశారు నారాయణ. ఆరేడు వందలు పెట్టి సినిమాలు ఎలా చూసేదని.. ఐబొమ్మలో ఫ్రీగా సినిమాలు చూశానని అన్నారు నారాయణ.

అద్భుతమైన తెలివి తేటలు ఉన్న రవి అలా మారడానికి కారణం వ్యవస్థలేనని అన్నారు నారాయణ. వ్యవస్థలో లోపాలను సరిచేయకుండా ఉంటే ఇలాంటి రవిలే పుట్టుకొస్తారని అన్నారు నారాయణ. ఒక్క హిడ్మాను చంపితే వెయ్యి మంది హిడ్మాలు పుడతారని అన్నారు నారాయణ. 

అలాగే ఒక ఐబొమ్మ రవిని చంపితేనో, జైల్లో వేస్తేనో మరో 100 మంది రవిలు వస్తారని అన్నారు. ఐబొమ్మ రవిని ఉరి తీయడం వల్ల ఎలాంటి ప్రయోజనం ఉండదని.. సినిమా మాఫియాను ఉరి తీస్తేనే సమాజానికి ఉపయోగం ఉంటుందని అన్నారు నారాయణ. కోట్లు ఖర్చు పెట్టి టికెట్ ధరల కోసం అడుక్కుంటున్నారని అన్నారు నారాయణ. టికెట్ ధరలు పెంచుకోవడానికి అనుమతులిచ్చి సామాన్యులను దోచుకోవడానికి ప్రభుత్వం సహాయం చేస్తుందా అని ప్రశ్నించారు నారాయణ.