మహబూబాబాద్, వెలుగు: మహబూబాబాద్ జిల్లాలో వర్షపాతం లోటు ఉన్నందున్న రైతులంతా ఆరుతడి పంటలను సాగు చేయాలని మహబూబాబాద్కలెక్టర్ స్నేహ శబరీశ్ సూచించారు. శనివారం మరిపెడ మండలం ఎడ్జెర్ల గ్రామానికి చెందిన గిరిజన రైతు బాదావత్ వీరన్న-బుజ్జి దంపతుల పొలంలో కలెక్టర్ పెసర విత్తనాలు వేసి పంట మార్పిడి విధానాన్ని ప్రారంభించారు. పప్పు దినుసులు, నూనె గింజలు, కుసుమ, ఆయిల్ పామ్, నువ్వులు, కూరగాయల సాగుపై దృష్టి సారించాలన్నారు.
వీబీజీ రామ్ జీ పథకంలో యానిమల్ హెల్త్ క్లినిక్స్ సౌకర్యాన్ని ఉపయోగించి, కుక్కలతో పాటు, కోతులకు 'స్టెరిలైజేషన్' చేసే ప్రతిపాదనను పరిశీలిస్తున్నామన్నారు. కార్యక్రమంలో మరిపెడ మున్సిపల్ చైర్ పర్సన్ వీసారపు ప్రగతి రెడ్డి, జిల్లా వ్యవసాయ అధికారి విజయ్ చంద్ర, జిల్లా హర్టికల్చర్ ఆఫీసర్ జినుగు మరియన్న, మున్సిపల్ కమిషనర్ నరేశ్రెడ్డి తదితరులు పాల్గొన్నారు.
