రాయ‌దుర్గం పోలీస్ స్టేష‌న్ ప‌రిధిలోని మ‌ణికొండ‌లో హీరో రానా తమ్ముడు, దగ్గుబాటి అభిరామ్ కారు.. ఎదురుగా వస్తున్న మరో కారును ఢీకొట్టిందని మీడియాలో వచ్చిన వార్తలను ఆయన కుటుంబసభ్యులు ఖండించారు. ఆ కారు ప్ర‌మాదానికీ, దగ్గుబాటి అభిరామ్‌కూ అసలు ఎలాంటి సంబంధం లేదని వారు అన్నారు. ఆ ప్రమాదానికి కారణమైన కారు దగ్గుబాటి ఫ్యామిలీకి సంబంధించిన కారే కాదని వారు స్ప‌ష్టం చేశారు. ఈ ప్రమాద విష‌యంలో అభిరామ్ పై వస్తున్న వ‌దంతుల‌ను ద‌య‌చేసి న‌మ్మ‌వ‌ద్ద‌ని మరియు వాటిని ప్ర‌చారం చేయ‌వ‌ద్ద‌ని కోరారు. రానా హీరోగా నటించిన ‘నేనే రాజు నేనే మంత్రి’ సినిమాకు అభిరామ్ నిర్మాతగా వ్యవహరించారు.
For More News..
