‘కలర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫొటో’ లాంటి జాతీయ అవార్డు సినిమాను రూపొందించిన సందీప్ రాజ్.. ఇప్పుడు రోషన్ కనకాల హీరోగా ‘మోగ్లీ 2025’ సినిమాను తెరకెక్కించాడు. పీపుల్ మీడియా ఫ్యాక్టరీ బ్యానర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌పై టీజీ విశ్వ ప్రసాద్, కృతి ప్రసాద్ ఈ చిత్రాన్ని నిర్మించారు. డిసెంబర్ 12న సినిమా విడుదల సందర్భంగా దర్శకుడు సందీప్ రాజ్ మాట్లాడుతూ ‘ఐదేళ్ల తర్వాత నా డైరెక్షన్‌‌‌‌‌‌‌‌‌‌‌‌‌‌‌‌లో వస్తోన్న చిత్రమిది. ప్రస్తుత ట్రెండ్‌‌‌‌‌‌‌‌‌‌‌‌‌‌‌‌కి తగ్గట్టుగా ఉంటుంది. ప్రేమకు భాష అవసరం లేదని తెలియజేసేలా ఇందులోని పాత్రలను డిజైన్ చేశా.
డెఫ్ అండ్ డంబ్ పాత్రను పోషించడం అంత సులభం కాదు. హీరో, హీరోయిన్ పాత్రలు చూసి అందరూ కనెక్ట్ అవుతారు. ‘బబుల్‌‌‌‌‌‌‌‌‌‌‌‌‌‌‌‌గమ్’లో రోషన్ గెటప్, రా నెస్ చూసి ‘మోగ్లీ’కి సెట్ అవుతాడని ఫిక్స్ అయ్యా. అనుకున్నట్టుగానే చాలా బాగా చేశాడు. శారీరకంగానూ చాలా కష్టపడ్డాడు. బండి సరోజ్ పాత్రను చూసి అంతా షాక్ అవుతారు. గత కొన్నేళ్లుగా తెలుగులో ఇలాంటి విలన్ పాత్రను చూసి ఉండరు. యూత్, ఫ్యామిలీ, మాస్ అని వేర్వేరుగా కాకుండా అందరినీ మెప్పించేలా ఈ చిత్రం ఉంటుంది. అన్ని రకాల ఎమోషన్స్‌‌‌‌‌‌‌‌‌‌‌‌‌‌‌‌ను చూపిస్తూనే ఎంగేజింగ్‌‌‌‌‌‌‌‌‌‌‌‌‌‌‌‌గా ఉంటుంది. ఫైనల్‌‌‌‌‌‌‌‌‌‌‌‌‌‌‌‌గా ఓ బలమైన ఫిలాసఫీని చూపించాం. ఇక డైరెక్షన్‌‌‌‌‌‌‌‌‌‌‌‌‌‌‌‌తో పాటు నటుడిగానూ కొనసాగుతాను’ అని చెప్పాడు.
