ప్రపంచ శాంతిని కాంక్షిస్తూ థాయ్లాండ్కు చెందిన 60 మంది బౌద్ధ భిక్షువులు చేపట్టిన పాదయాత్రలో దర్శకుడు సత్యారెడ్డి పాల్గొన్నారు. కర్ణాటకలోని స్వర్ణభూమి నుంచి తెలంగాణలోని నాగార్జున సాగర్ వరకు సాగుతున్న ఈ 400 కి.మీ. యాత్రలో భాగంగా, హైదరాబాద్ నుండి తుర్కయాంజిల్ వరకు 17 కిలోమీటర్ల దూరం చిత్ర యూనిట్తో కలిసి ఆయన నడిచారు. ఈ సందర్భంగా బౌద్ధ భిక్షువులు సత్యారెడ్డిని ఆశీర్వదించి, బుద్ధుడి లాకెట్ను బహూకరించారు.
ఈ సందర్భంగా సత్యారెడ్డి మాట్లాడుతూ ‘అమెరికాలో ప్రారంభించిన ‘కింగ్ బుద్ద’ హాలీవుడ్ చిత్రాన్ని పది దేశాల్లో షూటింగ్ చేశాం. మరో పదిహేను బౌద్ధ దేశాల్లో షూటింగ్ చేయాల్సి ఉంది. జాతీయ, అంతర్జాతీయ నటులు ఇందులో నటిస్తున్నారు’ అని చెప్పారు.
