ముషీరాబాద్, వెలుగు: భవన నిర్మాణ సంక్షేమ బోర్డును ఇన్సూరెన్స్కంపెనీలకు అప్పగించొద్దని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు కోరారు. ప్రమాదవశాత్తు, సహజ మరణ క్లెయిమ్ లను ఇన్సూరెన్స్ కంపెనీలకు అప్పజెప్పాలన్న నిర్ణయాన్ని తక్షణమే ఉపసంహరించుకోవాలని డిమాండ్చేశారు. తెలంగాణ బిల్డింగ్ అండ్ కన్స్ట్రక్షన్ వర్కర్స్ యూనియన్ రాష్ట్ర కమిటీ(ఏఐటీయూసీ) ఆధ్వర్యంలో లేబర్ కమిషనర్ కార్యాలయం ఎదుట మంగళవారం ధర్నా చేపట్టారు. 2009 నుంచి మన రాష్ట్రంలో లేబర్ డిపార్ట్మెంట్ ద్వారా కార్మికులకు పథకాలు అందుతున్నాయని, ఇప్పుడు ఎలాంటి కారణాలు లేకుండా బీమా రంగానికి అప్పజెప్పడం ఎంతవరకు సమంజసమని ప్రశ్నించారు. వెంటనే ఈ టెండర్లను రద్దు చేయాలన్నారు.
