నర్సంపేట, వెలుగు : నర్సంపేట ప్రభుత్వ జనరల్ ఆస్పత్రిలో పేదలకు కార్పొరేట్ వైద్యం అందించి, వైద్య సేవలను విస్తరించాలని ఎమ్మెల్యే దొంతి మాధవరెడ్డి సంబంధిత ఆఫీసర్లను ఆదేశించారు. నర్సంపేట ప్రభుత్వ సాధారణ ఆస్పత్రి అభివృద్ది సొసైటీ కమిటీ సమావేశం ఎమ్మెల్యే అధ్యక్షతన శనివారం జరిగింది.
సమావేశానికి మహబూబాబాద్ ఎంపీ పోరిక బలరాంనాయక్, ఎమ్మెల్సీ బస్వరాజు సారయ్య, వర్ధన్నపేట ఎమ్మెల్యే కేఆర్ నాగరాజు, వరంగల్ కలెక్టర్ సత్యశారద హాజరయ్యారు. ఈసందర్భంగా ఎమ్మెల్యే దొంతి మాట్లాడుతూ జనరల్ ఆస్పత్రికి కావాల్సిన సౌకర్యాలు, వసతులను కల్పిస్తామని చెప్పారు. ఆస్పత్రి సూపరిండెంట్ కిషన్, మెడికల్ కాలేజీ ప్రిన్సిపల్ ప్రవీణ్ తదితరులు పాల్గొన్నారు.
