- డ్రంక్ అండ్ డ్రైవ్లో దొరికిన లిటిల్ ఫ్లవర్ స్కూల్ బస్ డ్రైవర్
హైదరాబాద్ సిటీ, వెలుగు: పరిమితికి మించి పిల్లలను తీసుకెళ్తున్న స్కూల్ ఆటోలు, వ్యాన్లపై పోలీసులు కేసులు నమోదు చేశారు. బుధవారం సెంట్రల్ జోన్ ట్రాఫిక్ పోలీసుల ఆధ్వర్యంలో ఖైరతాబాద్, అబిడ్స్, చిక్కడపల్లి, గాంధీనగర్, ఇందిరా పార్క్ రోడ్ లో స్కూల్వాహనాలను ట్రాఫిక్ ఏసీపీ ఎస్. మోహన్ కుమార్ ఆధ్వర్యంలో తనిఖీలు చేశారు. ఇందులో లిటిల్ ఫ్లవర్ స్కూల్ కు చెందిన పిల్లలను తీసుకువస్తున్న వ్యాన్ డ్రైవర్ రాజు డ్రంకన్డ్రైవ్లో దొరికాడు. ఇతడిని చెక్చేయగా181 రీడింగ్ రావడంతో కేసు నమోదు చేశారు.
అలాగే పరిమితికి మించి పిల్లలను తరలిస్తున్నందుకు రెండు కేసులు, అనధికార వ్యక్తులు ఉన్నందుకు ఆరు కేసులు, యూనిఫామ్ లేకుండా డ్రైవింగ్ చేస్తున్నందుకు తొమ్మిది కేసులు, రాంగ్రూట్లో వస్తున్నందుకు 137 బస్సులపై కేసులు నమోదు చేశారు.
