పరిగి, వెలుగు: కొన్ని రోజుల క్రితం అదృశ్యమైన ఓ వృద్ధురాలి మృతదేహం గోనెసంచిలో లభ్యమైంది. పూడూరు మండలం చెన్గొముల్ గ్రామానికి చెందిన బేగరి రాములమ్మ(80) కొన్ని రోజుల క్రితం అదృశ్యమైంది. ఈ నెల 21న పోలీస్స్టేషన్లో మిస్సింగ్ కేసు నమోదైంది. ఈ నెల 24న మధ్యాహ్నం ఓ పాడుబడ్డ బావి నుంచి దుర్వాసన రావడంతో పక్కింటి వారు పోలీసులకు సమాచారం ఇచ్చారు. పోలీసులు అక్కడికి వెళ్లి చూడగా గోనె సంచిలో కుళ్లిన స్థితిలో రాములమ్మ డెడ్బాడీ కనిపించింది.
దుండగులు ఆమెను హత్య చేసి గోనె సంచిలో పడేసి వెళ్లి ఉంటారని పోలీసులు అనుమానిస్తున్నారు. అనుమానాస్పద మృతిగా కేసు నమోదు చేశారు. ఇదే గ్రామానికి చెందిన కావలి సత్యం(40) ఓ ఫాంహౌస్లో పనిచేసుకుంటూ కుటుంబాన్ని పోషిస్తున్నాడు. ఆయన బుధవారం ఫాంహౌజ్లో అనుమానాస్పద స్థితిలో మృతి చెందాడు.
